വത്തിക്കാന്: ആഗോള കത്തോലിക്ക സഭയുടെ പരമാധ്യക്ഷനായ മാര്പാപ്പയെ തെരഞ്ഞെടുക്കുന്നതിനുള്ള കര്ദിനാള്മാരുടെ യോഗമായ പേപ്പല് കോണ്ക്ലേവ് മെയ് 7 ന് നടക്കും.
വത്തിക്കാനില് നടന്ന കര്ദിനാള്മാരുടെ യോഗത്തിലാണ് തീരുമാനം. വോട്ടവകാശമുള്ള 135 കര്ദിനാള്മാര് യോഗത്തില് പങ്കെടുക്കും. മൂന്നില് രണ്ട് ഭൂരിപക്ഷം ലഭിക്കുന്നയാള് ഫ്രാന്സിസ് മാര്പാപ്പയുടെ പിന്ഗാമിയാകും.
നിശ്ചിത ഭൂരിപക്ഷം ലഭിക്കുന്നത് വരെ കോണ്ക്ലേവ് തുടരും. മെയ് 7ന് ഉച്ചക്ക് ശേഷമാണ് ആദ്യ ബാലറ്റ്.
Whatsapp Group 1 | Whatsapp Group 2 |Telegram Group
കോണ്ക്ലേവിനു മുന്നോടിയായി വത്തിക്കാനിലെ സിസ്റ്റെയിൻ ചാപ്പല് താല്ക്കാലികമായി അടച്ചിരിക്കുകയാണ്. ലോകമെങ്ങുമുള്ള കർദിനാള്മാർ അടുത്ത മാർപാപ്പയെ തിരഞ്ഞെടുക്കാനായി ഒത്തുചേരുന്നത് സിസ്റ്റെയിൻ ചാപ്പലീലാണ്. ഇതിനായുള്ള ഒരുക്കങ്ങള്ക്കായാണ് ചാപ്പല് അടച്ചത്.
ഇനി പുതിയ മാർപാപ്പയെ തിരഞ്ഞെടുത്ത ശേഷം മാത്രമേ ചാപ്പല് തീർത്ഥാടകർക്കായി തുറക്കുകയുള്ളൂ. വത്തിക്കാനിലുള്ള കർദിനാള്മാർ ഇന്നലെ വൈകിട്ട് ഫ്രാൻസിസ് മാർപാപ്പയുടെ ഖബറിടം സ്ഥിതി ചെയ്യുന്ന സെയ്ന്റ് മേരി മേജർ ബസിലിക്കയില് എത്തി പ്രത്യേക പ്രാർത്ഥന നടത്തി.
