വണ്ടിപ്പെരിയാറിൽ വൻ കഞ്ചാവ് വേട്ട; പ്രതിയെ കുടുക്കിയത് പൊലീസിന്റെ വിദഗ്ധ ഓപ്പറേഷൻ

സ്വന്തം ലേഖകൻ

ഇടുക്കി: വണ്ടിപ്പെരിയാറിൽ വൻ കഞ്ചാവ് വേട്ട. കഞ്ചാവുമായി വന്ന പെരിയ സ്വാമി എന്നയാളെ മ്ലാമല പൂണ്ടികുളം ഭാഗത്ത് നിന്നാണ് വണ്ടിപെരിയാർ പൊലീസ് അറസ്റ്റ് ചെയ്തത്.

ഇയാളെ പീരുമേട് കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തു.

ജില്ലാ പോലീസ് മേധാവി യു. കുര്യാക്കോസിന് കിട്ടിയ രഹസ്യ വിവരത്തിന്റെ അടിസ്ഥാനത്തിൽ പീരുമേട് ഡിവൈഎസ്പി ജെ കുര്യാക്കോസിന്റെ നിർദ്ദേശാനുസരണം വണ്ടിപ്പെരിയാർ പോലീസ് സ്റ്റേഷൻ സബ് ഇൻസ്പെക്ടർ കെ ജെ മാമന്റെ നേതൃത്വത്തിൽ എസ് ഐ സൈദ് മുഹമ്മദ് എ എസ് ഐ നാസർ സിവിൽ പോലീസ് ഓഫീസർമാരായ അജീഷ്, എ സക്കി മുത്തു, സതീഷ് ചന്ദ്രൻ മഹേന്ദ്രൻ ശ്രീരാജ്. ടോം, അനൂപ് ഡാൻ സാഫ് അംഗങ്ങളായ ജോഷി, മഹേശ്വരൻ എന്നിവർ ചേർന്നാണ് പ്രതിയെ പിടികൂടിയത്.