ചങ്ങനാശേരി പെരുന്നയിൽ മന്നം ജയന്തി ആഘോഷം തുടങ്ങി: നാളെ സമാപിക്കും:

സ്വന്തം ലേഖകൻ
ചങ്ങനാശേരി: മന്നത്തു പത്മനാഭന്റെ 147 – മത് ജയന്തി ആഘോഷങ്ങൾ ചങ്ങനാശേരി എൻ എസ് എസ് ആസ്ഥാനത്ത് ആരംഭിച്ചു. നാളെ സമാപിക്കും.
ഇന്നു രാവിലെ 7 – ന് മന്നം സമാധിയിൽ പുഷ്പാർച്ചനയ്ക്കു ശേഷം. എൻ.എസ് എസ്. ജനറൽ സെക്രട്ടറി ജി.സുകുമാരൻ നായർ പ്രവർത്തനങ്ങളെക്കുറിച്ച് വിശദീകരണം നടത്തി.

പ്രസിഡന്റ് ഡോ.എം. ശശികുമാർ അദ്ധ്യക്ഷത വഹിച്ചു.. തുടർന്ന് പ്രമേയങ്ങൾ അവതരിപ്പിച്ചു.സംഘടനാ വിഭാഗം മേധാവി വി.വി.ശശിധരൻ നായർ പ്രസംഗിച്ചു.
വൈകുന്നേരം. 6.30 – ന് സംഗീത പരിപാടി. ജനുവരി 2 – ന് രാവിലെ 10.45 – ന് ജയന്തി സമ്മേളനം മുൻ രാജ്യസഭാ അംഗം തെന്നല ബാലകൃഷ്ണപിള്ള ഉദ്ഘാടനം ചെയ്യും. സി. രാധാകൃഷ്ണൻ മുഖ്യപ്രഭാഷണം നടത്തും.

എൻ.കെ. പ്രചന്ദ്രൻ എം.പി. അനുസ്മരണ പ്രഭാഷണം നടത്തും. എൻ.എസ്.എസ്.പ്രസിഡന്റ് ഡോ.എ. ശശികുമാർ അദ്ധ്യക്ഷത വഹിക്കും.

സംസ്ഥാനത്തിന്റെ വിവിധ ഭാഗങ്ങളിൽ നിന്നെത്തുന്ന കരയോഗ ഭാരവാഹികൾക്കും പ്രവർത്തകർക്കും താമസിക്കുന്നതിനുള്ള സൗകര്യം ഒരുക്കിയിട്ടുള്ളത് പെരുന്നയിലെ വിദ്യാഭ്യാസ സമുച്ചയത്തിലാണ്. എൻ എസ് എസ് ഹിന്ദു കോളജ് മൈതാനത്ത് വിശാലമായ ഊട്ടുപുരയും തയാറാക്കിയിട്ടുണ്ട്. .