രാജസ്ഥാനിൽ നിന്നും രാജ്യസഭയിലേക്ക് മൻമോഹൻ സിംഗ്

സ്വന്തം ലേഖകൻ

ന്യൂഡൽഹി: രാജ്യസഭയിലേക്ക് മുൻ പ്രധാനമന്ത്രി മൻമോഹൻ സിംഗ് നാമനിർദേശ പത്രിക സമർപ്പിച്ചു. രാജസ്ഥാനിൽ നിന്നാണ് അദ്ദേഹം രാജ്യസഭയിലേക്ക് മത്സരിക്കുക.

രാജസ്ഥാൻ മുഖ്യമന്ത്രി അശോക് ഗെഹ്ലോട്ട് , ഉപമുഖ്യമന്ത്രി സച്ചിൻ പൈലറ്റ് എന്നിവർക്കൊപ്പം എത്തിയാണ് മൻമോഹൻ സിംഗ് നാമനിർദ്ദേശ പത്രിക സമർപ്പിച്ചത്. ബിജെപി എംപി മഥൻ ലാൽ സൈനി മരിച്ചതിനെ തുടർന്നാണ് രാജ്യസഭാ സീറ്റിൽ ഒഴിവ് ഉണ്ടായത്. രാജസ്ഥാൻ നിയമസഭയിൽ കോൺഗ്രസിനാണ് ഭൂരിപക്ഷം ലഭിച്ചിരിക്കുന്നത്.

കോൺഗ്രസിന് 100 എംഎൽഎമാരാണ് ഉള്ളത്. ബിജെപിക്ക് 72 എംഎൽഎമാരും ഉണ്ട്. സംസ്ഥാനത്ത് കോൺഗ്രസ് ഭരിക്കുന്നതിനാൽ മൻമോഹൻ സിംഗിനു വിജയിക്കാൻ സാധിച്ചേക്കുമെന്നാണ് റിപ്പോർട്ടുകൾ.