കോട്ടയം മണിപ്പുഴയിൽ തോട്ടിൽ യുവാവിന്റെ മൃതദേഹം കണ്ടെത്തി; മരിച്ചത് മലപ്പുറം സ്വദേശി

സ്വന്തം ലേഖകൻ
കോട്ടയം: മണിപ്പുഴ ഈരയില്‍ക്കടവ് ബൈപ്പാസിന് സമീപം കൈത്തോട്ടില്‍ യുവാവിനെ മുങ്ങി മരിച്ച നിലയില്‍ കണ്ടെത്തി. മലപ്പുറം സ്വദേശി സുധീഷ്(33) ആണ് മരിച്ചത്.

ചൊവ്വാഴ്ച ഉച്ചയ്ക്ക് രണ്ട് മണിയോടെയാണ് മണിപ്പുഴ ഈരയില്‍ക്കടവ് ബൈപാസ് റോഡിന്റെ സമീപത്തെ തോട്ടിൽ മൃതദേഹം കണ്ടെത്തിയത്.

മണിപ്പുഴ നാട്ടകം ഗസ്റ്റ് ഹൗസ് റോഡില്‍ പ്രവര്‍ത്തിക്കുന്ന ഫ്രൂട്ട്സ് കട നടത്തിയിരുന്ന ആളാണ് ഇയാൾ.

കടകള്‍ക്ക് പിന്നിലായാണ് മൃതദേഹം കണ്ടെത്തിയത്.

സമീപത്തെ കടകളില്‍ ജോലി ചെയ്യുന്ന ആളുകളാണ് മൃതദേഹം കണ്ടത്. തുടര്‍ന്ന് ഇവര്‍ പൊലീസിനെ വിവരം അറിയിച്ചു.

കലുങ്കിന് സമീപമിരുന്നപ്പോള്‍ കാല്‍വഴുതി തോട്ടില്‍ വീണതാകാനാണ് സാധ്യതയെന്ന് നാട്ടുകാര്‍ പറയുന്നു.