കോട്ടയം: കുട്ടികള്‍ക്കും മുതിർന്നവർക്കുമെല്ലാം ഒരുപോലെ ഇഷ്ടമാകുന്ന ഒരു കേക്ക് പരീക്ഷിച്ചാലോ? കിടിലൻ സ്വാദില്‍ വളരെ എളുപ്പത്തില്‍ തന്നെ തയ്യാറാക്കാവുന്ന മാമ്പഴ കേക്ക് റെസിപ്പി നോക്കാം…
ആവശ്യമായ ചേരുവകള്‍
മാമ്ബഴം – 1 എണ്ണം
പഞ്ചസാര – അര കപ്പ്
മുട്ട – 2
വെണ്ണ ഉരുക്കിയത് – 1/4 കപ്പ്
ഗോതമ്ബു പൊടി – ഒന്നേകാല്‍ കപ്പ്
പാല്‍പ്പൊടി – 4 ടേബിള്‍സ്പൂണ്‍
ബേക്കിങ് പൗഡർ – 1 ടീസ്പൂണ്‍
ബേക്കിങ് സോഡാ – 1/4 ടീസ്പൂണ്‍
പൊടിച്ച പഞ്ചസാര – 1 ടേബിള്‍സ്പൂണ്‍
വാനില എസൻസ് – 5-6 തുള്ളി
മാംഗോ ഗ്ലേസിനു വേണ്ട ചേരുവകള്‍
മാങ്ങാ – 1 എണ്ണം (മിക്സിയില്‍ അരച്ചത്)
പഞ്ചസാര – 1/4 കപ്പ്
അലങ്കരിക്കാൻ ചോക്ലേറ്റ് ഉരുക്കിയത്
തയാറാക്കുന്ന വിധം
Whatsapp Group 1 | Whatsapp Group 2 |Telegram Group
ആദ്യം മാംഗോ ഗ്ലേസിനു വേണ്ട മാമ്ബഴം അരച്ചതും പഞ്ചസാരയും ചെറിയ തീയില്‍ കുറച്ചു നേരം കൈ വിടാതെ ഇളക്കി തീ ഓഫ് ആക്കുക. കേക്കിനു വേണ്ട പൊടികള്‍ എല്ലാം കൂടി ഒന്നിച്ചു അരിച്ചെടുക്കുക. മുട്ടയുടെ വെള്ള പൊടിച്ച പഞ്ചസാരയും വാനില എസൻസും ചേർത്ത് നന്നായി അടിച്ചെടുക്കുക. കേക്ക് ഉണ്ടാക്കാനായി മാങ്ങയും പഞ്ചസാരയും മുട്ടയുടെ ഉണ്ണിയും കൂടി നന്നായി അരച്ചെടുക്കുക.
ഇതിലേക്ക് ഉരുക്കിയ വെണ്ണ ചേർത്ത് ഒന്ന് കൂടെ അടിച്ചെടുക്കുക. ശേഷം അരിച്ചെടുത്ത പൊടി കുറേശ്ശേ ചേർത്ത് നന്നായി യോജിപ്പിക്കുക. അവസാനം മുട്ടയുടെ വെള്ള അടിച്ചതും കൂടി ചേർത്തു സാവധാനം യോജിപ്പിക്കുക. ഇത് അടുപ്പത്ത് അല്ലെങ്കില്‍ അവ്നില്‍ (180 ഡിഗ്രിയില്‍ ) വേവിച്ചെടുക്കാം. തണുക്കുമ്പോള്‍ നേരത്തെ തയാറാക്കി വച്ച മാംഗോ ഗ്ലേസും ഉരുക്കിയ ചോക്ലേറ്റും ചേർത്ത് കേക്ക് അലങ്കരിക്കാം.
