മംഗളൂരു വിമാനതാവളത്തിൽ കണ്ടെത്തിയ സ്‌ഫോടക വസ്തു നിർവീര്യമാക്കി; വിമാനതാവളത്തിൽ ജാഗ്രതാ നിർദ്ദേശം പുറപ്പെടുവിച്ചു

സ്വന്തം ലേഖകൻ

മംഗളൂരു: മംഗളൂരു വിമാനത്താവളത്തിൽ കണ്ടെത്തിയ സ്ഫോടകവസ്തു നിർവീര്യമാക്കി. മംഗളൂരു പോലീസ് കമ്മീഷണർ ഡോ പിഎസ് ഹർഷയാണ് സ്ഥിതീകരിച്ചത് . വിമാനതാവളത്തിൽ ജാഗ്രതാ നിർദ്ദേശം പുറപ്പെടുവിച്ചു.

സംഭവത്തെക്കുറിച്ചുള്ള ചർച്ചകൾ നടക്കുകയാണെന്നും അദ്ദേഹം പറഞ്ഞു. വിമാനത്താവളത്തിന്റെ വിശ്രമമുറിയുടെ അടുത്തായി ഉപേക്ഷിക്കപ്പെട്ട നിലയിൽ കണ്ടെത്തിയ ബാഗിലാണ് ടൈമറിന്റെ രൂപത്തിലുള്ള സ്ഫോടകവസ്തു കണ്ടെത്തിയത്.

അഞ്ഞൂറ് മീറ്ററിനുള്ളിൽ ആഘാതം ഏൽപ്പിക്കാനാവുന്ന ഉഗ്രശേഷിയുള്ള ബോംബാണ് കണ്ടെത്തിയതെന്ന് അധികൃതർ പറഞ്ഞ. ഓട്ടോറിക്ഷയിൽ വിമാനത്താവളത്തിൽ എത്തിയ ഒരാളാണ് ബാഗ് കൊണ്ടുവച്ചതെന്നാണ് വിവരം.