മണർകാട് കഞ്ചാവുമായി രണ്ടുപേർ അറസ്റ്റിൽ ; ഒരാൾ അന്യസംസ്ഥാന തൊഴിലാളി

കോട്ടയം : മണർകാട് കഞ്ചാവുമായി രണ്ടുപേർ അറസ്റ്റിൽ. ആസ്സാം സ്വദേശി മണിനുൾ ഹഖ് (27), പാറമ്പുഴ സ്വദേശി ഹരി ജയൻ എന്നിവരാണ് പിടിയിലായത്.

മണിനുൾ ഹഖിൽ നിന്ന് 300 ഗ്രാം കഞ്ചാവും ഹരി ജയനിൽ നിന്ന് 5 ഗ്രാം കഞ്ചാവുമാണ് പിടി കൂടിയത്.

കോട്ടയം ജില്ലാ പോലീസ് മേധാവി ഷാഹുൽ ഹമീദിൻ്റ നിർദേശപ്രകാരമുള്ള പരിശോധനയിൽ മണർകാട് പോലീസ് സ്റ്റേഷൻ സബ് ഇൻസ്‌പെക്ടർ സജീർ ഇ. എം. സിവിൽ പോലീസ് ഓഫീസർ രോഹിൽ രാജ് എന്നിവർ ചേർന്നാണ് പ്രതികളെ അറസ്റ്റ് ചെയ്തത്.