മൂന്ന് വർഷം മുൻപ് വേർപിരിഞ്ഞു ; നടുറോഡിൽ വാക്കുതർക്കം ; മുൻഭാര്യയെ കുത്തിപ്പരിക്കേൽപ്പിച്ച് യുവാവ് ; ശരീരത്തിന്റെ വിവിധഭാ​ഗങ്ങളിലായി ഒൻപതോളം കുത്തുകൾ ; യുവതി തീവ്രപരിചരണ വിഭാ​ഗത്തിൽ ചികിത്സയിൽ

സ്വന്തം ലേഖകൻ

തൃശ്ശൂർ: പുതുക്കാടിൽ നടുറോഡിൽ മുൻഭാര്യയെ കുത്തിപ്പരിക്കേൽപ്പിച്ച് യുവാവ്. കൊട്ടേക്കാട് സ്വദേശിനിയ്ക്കാണ് കുത്തേറ്റത്. മുൻ ഭർത്താവും കേച്ചേരി സ്വദേശിയുമായ ലസ്റ്റിനാണ് അക്രമി.

പുതുക്കാട് സെന്ററിലൂടെ നടന്നുപോവുകയായിരുന്ന യുവതിയെ പ്രതി തടഞ്ഞു നിർത്തുകയായിരുന്നു. ഇരുവരും തമ്മിൽ വാക്കുതർക്കമുണ്ടാവുകയും പ്രകോപിതനായ പ്രതി യുവതിയെ കുത്തുകയായിരുന്നു.

ആളുകൾ കൂടിയതോടെ യുവാവ് പിൻമാറി. പരിക്കേറ്റ യുവതിയെ നാട്ടുകാരും പോലീസും ചേർന്ന് ആശുപത്രിയിൽ എത്തിക്കുകയായിരുന്നു. ശരീരത്തിന്റെ വിവിധഭാ​ഗങ്ങളിലായി ഒൻപതോളം കുത്തുകൾ യുവതിയ്ക്ക് ഏറ്റിട്ടുണ്ടെന്നാണ് വിവരം. തീവ്രപരിചരണ വിഭാ​ഗത്തിൽ ചികിത്സയിലാണ്.

മൂന്ന് വർഷം മുൻപാണ് പ്രതിയും യുവതിയും വേർപിരിഞ്ഞത്. എന്നാൽ നിയമപരമായി വിവാഹബന്ധം വേർപ്പെടുത്തിയിരുന്നില്ലെന്നാണ് വിവരം.