ഇടുക്കിയിൽ വൈദ്യുതി തൂണിൽ കയറി ടി.വി കേബിൾ നന്നാക്കുന്നതിനിടെ ടെക്നീഷ്യൻ ഷോക്കേറ്റ് മരിച്ചു

അടിമാലി: വൈദ്യുതി തൂണിൽ കയറി ടി.വി കേബിൾ നന്നാക്കുന്നതിനിടെ ടെക്നീഷ്യൻ ഷോക്കേറ്റ് മരിച്ചു. മെരിലാൻഡ് കോയിക്ക കുടിയിൽ റെനി (48) ആണ് മരിച്ചത്. ആനച്ചാൽ മെരിലാൻഡിലാണ് സംഭവം.

ഞായറാഴ്ച രാവിലെ 11ന് കേബിൾ ടി.വി നന്നാക്കുന്നതിനായി തൂണിൽ കയറുമ്പോൾ അറിയാതെ സ്ട്രീറ്റ് ലൈറ്റ് ഫ്യൂസിൽ കൈ സ്പർശിക്കുകയായിരുന്നു.

ഷോക്കേറ്റ് അവിടെ തന്നെ റെനി കുടുങ്ങിയത് കണ്ട് നാട്ടുകാർ ലൈൻ ഓഫ് ആക്കുകയായിരുന്നു.

തുടർന്ന് റെനി പോസ്റ്റിൽ നിന്നും താഴെ വീണു. ഉടൻ അടിമാലി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.