കുളിക്കുന്നതിനിടയിൽ ക്വാറികുളത്തിൽ വീണ് മധ്യവയസ്കന് ദാരുണാന്ത്യം

കൽപ്പറ്റ: അമ്പലവയൽ ടൗൺ ക്വാറികുളത്തിൽ മധ്യവയസ്കൻ വീണ് മരിച്ചു. കൊട്ടിയൂർ സ്വദേശിയായ ഷാജിയാണ് മരണപ്പെട്ടത്.

വൈകുനേരം 5 മണിയോടെയാണ് അപകടം ഉണ്ടായത്. കുളിക്കുന്നതിനിടയിൽ നിലതെറ്റി ഷാജി താഴ്ന്ന് പോകുകയായിരുന്നു.

സ്ഥലത്ത് പൊലീസും ഫയർഫോഴ്സ് എത്തി മൃതദേഹം കണ്ടെടുക്കുകയായിരുന്നു. മൃതദേഹം ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.