കാഞ്ഞങ്ങാട് നിന്നും കാണാതായ യുവ എഞ്ചിനീയറെ മരിച്ച നിലയിൽ കണ്ടെത്തി ; കടലിൽ ഒഴുകുന്ന നിലയിൽ മത്സ്യത്തൊഴിലാളികളാണ് മൃതദേഹം കണ്ടത്

കാസർഗോഡ് : കാഞ്ഞങ്ങാട് നിന്നും കാണാതായ യുവ എഞ്ചിനീയറുടെ മൃതദേഹം കടലിൽ നിന്നും കണ്ടെത്തി.

Link

Embed

Copy and paste this HTML code into your webpage to embed.

ബേക്കൽ തൃക്കണ്ണാടിന് സമീപം കടലിൽ നിന്നുമാണ് മൃതദേഹം കണ്ടെത്തിയത്. കാഞ്ഞങ്ങാട് സൗത്ത് മാതോത്ത് അമ്പലത്തിന് സമീപത്തെ യു.കെ.ജയപ്രകാശിന്റെ മകൻ പ്രണവ് ( 33) ആണ് മരിച്ചത്.

വ്യാഴാഴ്ച സന്ധ്യക്ക് 7 മണിക്ക് വീട്ടിൽ നിന്നും പോയ യുവാവിനെ പിന്നീട് കാണാതാവുകയായിരുന്നു.പിതാവിൻ്റെ പരാതിയിൽ ഹോസ്‌ദുർഗ് പോലീസ് കേസെടുത്തിരുന്നു.

ഇന്ന് കടലിൽ ഒഴുകുന്ന നിലയിൽ മത്സ്യ തൊഴിലാളികളാണ് മൃതദേഹം കണ്ടത്. തുടർന്ന് പോലീസിനെ അറിയിക്കുകയായിരുന്നു.

കരക്കെത്തിച്ച മൃതദേഹം ജില്ലാശുപത്രിയിലേക്ക് മാറ്റി. ഇന്നലെ രാവിലെ യുവാവിന്റെ മൊബൈൽ ഫോണും ചെരിപ്പും ബേക്കൽ കടൽ കരയിൽ കണ്ടെത്തിയിരുന്നു.