ഗൾഫിൽ നിന്നും നാട്ടിലെത്തിയിട്ട് മണിക്കൂറുകൾ മാത്രം ; വീട്ടിൽ വിശ്രമിക്കുന്നതിനിടെ പ്രവാസി യുവാവ് കുഴഞ്ഞുവീണ് മരിച്ചു

കോഴിക്കോട്: ഗള്‍ഫില്‍ നിന്നും വീട്ടിലെത്തി വിശ്രമിക്കുന്നതിനിടെ പ്രവാസി കുഴഞ്ഞു വീണു മരിച്ചു.

ഉമ്മത്തൂരിലെ കണ്ണടുങ്കല്‍ യൂസഫാണ് (55) മരിച്ചത്. ശനിയാഴ്ച രാവിലെയായിരുന്നു യൂസഫ് വീട്ടിലെത്തിയത്.

വീട്ടിലെത്തിയ ശേഷം വിശ്രമിക്കുമ്ബോഴായിരുന്നു മരണം. മരണകാരണം ഇതുവരെയും വ്യക്തമായിട്ടില്ല. അബുദാബിയിലെ ഇത്തിഹാദ് എയർവേസിലെ ജീവനക്കാരനായിരുന്നു അദ്ദേഹം.

ഭാര്യ ഖൈറുന്നീസ. മക്കള്‍: ഷാന, ശാരിക്ക് അബുദാബിയിലാണ്, ഷാബ് ഉമ്മത്തൂർ ഹയർ സെക്കൻഡറി സ്കൂള്‍ പ്ലസ് വണ്‍ വിദ്യാർഥിയാണ്. മരുമക്കള്‍ റയീസ് കടവത്തൂർ, നശ മൊകേരി.