വടംവലിക്കിടെ മരക്കൊമ്പ് ഒടിഞ്ഞുവീണു; യുവാവ് മരിച്ചു

സ്വന്തം ലേഖകൻ

തിരുവനന്തപുരം: ഓണാഘോഷത്തിനിടെ മരക്കൊമ്പ് ഒടിഞ്ഞുവീണ് യുവാവ് മരിച്ചു. കഴക്കൂട്ടം വെട്ടുറോഡ് സ്വദേശി വിനേഷ് (40) ആണ് മരിച്ചത്.

വെട്ടുറോഡ് മാര്‍ക്കറ്റില്‍ വൈകുന്നേരം ഏഴു മണിയോടെയായിരുന്നു അപകടം. വെട്ടുറോഡ് അല്‍ ബ്രദേഴ്സ് ക്ലബിന്റെ ഓണാഘോഷത്തിനിടെയാണ് മരക്കൊമ്ബ് ഒടിഞ്ഞുവീണത്.

വടംവലി മത്സരം നടക്കവെ സമീപത്തെ ആല്‍മരത്തിന്റെ ശിഖരം ഒടിഞ്ഞ് വിനേഷിന്റെ ദേഹത്തേക്ക് വീഴുകയായിരുന്നു.