സ്വന്തം ലേഖകൻ
കോഴിക്കോട്: കോഴിക്കോട് 100 ഗ്രാം എംഡിഎംഎയുമായി യുവാവ് പിടിയിൽ. കോഴിക്കോട് പാളയത്താണ് സംഭവം. ഗോഡൗണിൽ ഒളിപ്പിച്ച നിലയിലാണ് ലഹരിമരുന്ന് കണ്ടെത്തിയത്.
ചക്കുംകടവ് സ്വദേശി രജീസി(40)നെയാണ് എക്സൈസ് സ്പെഷ്യൽ സ്ക്വാഡ് പിടികൂടിയത്.ബംഗളൂരുവിൽ നിന്നു ചില്ലറ വില്പനയ്ക്ക് എത്തിച്ചതാണു ലഹരിമരുന്നെന്ന് എക്സൈസ് സംഘം കണ്ടെത്തി.
Whatsapp Group 1 | Whatsapp Group 2 |Telegram Group
വിപണിയിൽ 15 ലക്ഷം രൂപ വരെ വിലവരുന്ന മയക്കുമരുന്നാണു പിടികൂടിയത്. 20 വർഷം വരെ തടവുശിക്ഷ ലഭിക്കാവുന്ന വകുപ്പുകളാണു രജീസിന് മേൽ ചുമത്തിയത്.
മലബാറിലെ പ്രധാനമയക്കുമുരുന്നു മാഫിയ സംഘങ്ങളുമായി രജീസിന് ബന്ധമുണ്ടെന്നു പോലീസ് പറയുന്നു.പാഴ്‌സലായാണ് മയക്കുമരുന്നുകൾ ലഭിക്കാറുള്ളതെന്നും കോളജുകൾ കേന്ദ്രീകരിച്ചാണ് വിൽപനയെന്നും രജീസ് ചോദ്യംചെയ്യലിൽ സമ്മതിച്ചു.
