ആലുവയിൽ ട്രെയിനിന് മുന്നില്‍ ചാടി യുവതി ജീവനൊടുക്കി; പിന്നാലെ യുവാവ് പുഴയില്‍ ചാടി മരിച്ചു; ഇരുവരും പ്രണയത്തിലായിരുന്നുവെന്നും, വീട്ടുകാർ വിവരം അറിഞ്ഞതിനെത്തുടർന്നാണ് ആത്മഹത്യയെന്നും പ്രാഥമിക വിവരം

സ്വന്തം ലേഖകൻ

കൊച്ചി: ആലുവയില്‍ യുവതി ട്രെയിനിന് മുന്നില്‍ ചാടി ജീവനൊടുക്കി. തൊട്ടു പിന്നാലെ സുഹൃത്തായ യുവാവ് പുഴയില്‍ ചാടി ആത്മഹത്യ ചെയ്തു. വ്യാ​ഴാ​ഴ്ച രാ​ത്രി​യാ​ണ് സം​ഭ​വം. കുഴിവേലിപ്പടി പുത്തന്‍ വീട്ടില്‍ മഞ്ജു( 42)വും, സുഹൃത്തായ എടത്തല താഴത്തേടത്ത് വീട്ടില്‍ ശ്രീകാന്തും (36) ആണ് മരിച്ചത്. ഇ​രു​വ​രും പ്ര​ണ​യ​ത്തി​ലാ​യി​രു​ന്നു​വെ​ന്ന് പോ​ലീ​സ് വ്യ​ക്ത​മാ​ക്കി.

മൂ​ന്ന് മാ​സം മു​ന്‍​പാ​ണ് ഡ്രൈ​വ​റാ​യ ശ്രീ​കാ​ന്ത് മ​ഞ്ജു​വി​ന്‍റെ വീ​ടി​ന​ടു​ത്ത്‌ വാ​ട​ക​യ്ക്ക് താ​മ​സി​ക്കാ​നെ​ത്തി​യ​ത്. പി​ന്നീ​ട് ഇ​രു​വ​രും പ്ര​ണ​യ​ത്തി​ലാ​യി. മ​ഞ്ജു ആ​ലു​വ​യി​ലെ ഗ്യാ​രേ​ജി​ന് സ​മീ​പം ട്രെ​യി​നി​ന് മു​ന്നി​ല്‍ ചാ​ടി മ​രി​ക്കു​ക​യാ​യി​രു​ന്നു.

പിന്നാലെ ഓട്ടോയില്‍ ആലുവ മാര്‍ത്താണ്ഡ വര്‍മ്മ പാലത്തിനടുത്തെത്തിയ ശ്രീകാന്ത് പുഴയിലേക്ക് ചാടുകയായിരുന്നു.

ക​ഴി​ഞ്ഞ ദി​വ​സം ഇ​വ​രു​ടെ പ്ര​ണ​യം വീ​ട്ടു​കാ​ര്‍ അ​റി​ഞ്ഞി​രു​ന്നു. ശ്രീ​കാ​ന്തി​നെ ആ​ലു​വ​യി​ലേ​ക്ക് വി​ളി​ച്ചു വ​രു​ത്തി​യ മ​ഞ്ജു, സം​സാ​രി​ക്കു​ന്ന​തി​നി​ടെ റെ​യി​ല്‍ പാ​ള​ത്തി​ലേ​ക്ക് ചാ​ടു​ക​യാ​യി​രു​ന്നു​വെ​ന്ന് പോ​ലീ​സ് പ​റ​ഞ്ഞു.

പി​ന്നീ​ട് ശ്രീ​കാ​ന്ത് ഓ​ട്ടോ​യി​ല്‍ ആ​ലു​വ മാ​ര്‍​ത്താ​ണ്ഡ വ​ര്‍​മ്മ പാ​ല​ത്തി​ല്‍ എ​ത്തി​യ ശേ​ഷം പു​ഴ​യി​ലേ​ക്ക് ചാ​ടി ജീ​വ​നൊ​ടു​ക്കി. സം​ഭ​വ​ത്തി​ല്‍ പൊ​ലീ​സ് അ​ന്വേ​ഷ​ണം ന​ട​ത്തി​വ​രി​ക​യാ​ണ്. ഇരുവരുടെയും മൃതദേഹം ആലുവ ജില്ലാ ആശുപത്രിയിലാണുള്ളത്. ഇന്‍ക്വസ്റ്റ് നടപടികള്‍ പൂര്‍ത്തിയാക്കിയ ശേഷം മൃതദേഹം ബന്ധുക്കള്‍ക്ക് വിട്ടുനല്‍കും.