‘ഇതിലും എത്രയോ വലിയ ഭീതികളെ മറികടന്നവരാണ് നാം, ഒന്നിച്ചു നിൽക്കാം’:മമ്മൂട്ടി

സ്വന്തംലേഖകൻ

കോട്ടയം : എറണാകുളത്ത് നിപ സ്ഥിരീകരിച്ചതോടെ സംസ്ഥാന വ്യാപകമായി ആശങ്ക ഉയർന്നിരിക്കുകയാണ്. നിപയിൽ ഭീതി വേണ്ടെന്നും ജാഗ്രതാണ് വേണ്ടതെന്നും അഭിപ്രായപ്പെട്ട് നടൻ മമ്മൂട്ടി രംഗത്തെത്തി. ഈ ഒരു സാഹചര്യത്തിൽ കൂട്ടായ്മയാണ് ഉണർത്തേണ്ടതെന്നും മമ്മൂട്ടി ഫേസ്ബുക്കിൽ കുറിച്ചു.
ഇതിലും എത്രയോ വലിയ ഭീതികളെ മറികടന്നവരാണ് നാം. ഒന്നിച്ചു നിൽക്കുകയാണ് വേണ്ടത്. നിപയെ ഒന്നിച്ചു നിന്ന് നേരിടാമെന്നും ജാഗ്രത പുലർത്താമെന്നും മമ്മൂട്ടി ഫേസ്ബുക്ക് കുറിപ്പിൽ വ്യക്തമാക്കി.

പോസ്റ്റിന്റെ പൂർണരൂപം..

നിപ സ്ഥിരീകരിച്ചു എന്ന വാര്‍ത്ത ഭയമല്ല ജാഗ്രതയാണ് വര്‍ധിപ്പിക്കേണ്ടത്. കൂട്ടായ്മയാണ് ഉണര്‍ത്തേണ്ടത്. ഇതിലും എത്രയോ വലിയ ഭീതികളെ മറികടന്നവരാണ് നാം. ചെറുത്തു തോല്‍പ്പിച്ചവരാണ് നാം. ഒന്നിച്ചു നില്‍ക്കാം, നിപ്പയെ കീഴടക്കാം. നിപ: ഭീതി വേണ്ട, ജാഗ്രത മതി! എല്ലാവര്‍ക്കും കൂട്ടായ്മയുടെ പെരുന്നാള്‍ ആശംസകള്‍!