വീട്ടുമുറ്റത്ത് തടമെടുത്ത് നട്ടുവളർത്തിയത് കഞ്ചാവ് ; അഞ്ച് മാസം പ്രായമായ 3 കഞ്ചാവ് ചെടികൾ പിടികൂടി മല്ലപ്പള്ളി എക്സൈസ്
സ്വന്തം ലേഖകൻ
കറുകച്ചാൽ : സ്വന്തം വീട്ടുമുറ്റത്ത് തടമെടുത്ത്, കഞ്ചാവ് ചെടികൾ വളർത്തിയതിന് ഒരാൾ പിടിയിൽ. മല്ലപ്പള്ളി ആനിക്കാട് ഗ്രാമപഞ്ചായത്തിലെ വള്ളിക്കാട്ടിൽ വീട്ടിൽ M.G.രാജനാണ് എക്സൈസിന്റെ പിടിയിലായത്.
5 മാസം പ്രായമായ 3 ചെടികളാണ് എക്സൈസ് പിടികൂടിയത്. മല്ലപ്പള്ളി എക്സൈസ് റെയ്ഞ്ച് ഇൻസ്പെക്ടർ K.B. ബിനുവും പാർട്ടിയും ചേർന്നാണ് പ്രതിയെ അറസ്റ്റ് ചെയ്തത്. തിരുവല്ല ജുഡീഷ്യൽ ഒന്നാം ക്ലാസ്സ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Whatsapp Group 1 | Whatsapp Group 2 |Telegram Group
മല്ലപ്പള്ളി എക്സൈസ് സർക്കിൾ ഇൻസ്പെക്ടർ V. റോബർട്ടിന്റെ നിർദ്ദേശാനുസരണമായിരുന്നു റെയ്ഡ്.
പ്രിവന്റീവ് ഓഫീസർ സുനിൽ കുമാർ .പി എൻ , പ്രിവന്റീവ് ഓഫീസർ (ഗ്രേഡ്) വി കെ . സന്തോഷ് കുമാർ, സിവിൽ എക്സൈസ് ഓഫിസർ എൻ ബി . സുമോദ് കുമാർ, വനിതാ സിവിൽ എക്സൈസ് ഓഫീസർ ഗീതു.എസ് , എക്സൈസ് ഡ്രൈവർ രാമചന്ദ്ര മാരാർ എന്നിവർ സംഘത്തിൽ ഉണ്ടായിരുന്നു.
