മനുഷ്യ വിസർജ്യം അടങ്ങിയ മാലിന്യം ടാങ്കർ ലോറി ഉപയോഗിച്ച്‌ പൊതുസ്ഥലത്ത് തള്ളിയതിന് 2 പേർ അറസ്റ്റിൽ

മാരാരിക്കുളം: മനുഷ്യ വിസർജ്യം അടങ്ങിയ മാലിന്യം ടാങ്കർ ലോറി ഉപയോഗിച്ച്‌ പൊതുസ്ഥലത്ത് തള്ളിയ കേസില്‍ രണ്ട് പേർ അറസ്റ്റില്‍.

തണ്ണീർമുക്കം പഞ്ചായത്ത് 7-ാം വാർഡില്‍ മനീഷ ഭവനില്‍ യദു (28), കഞ്ഞിക്കുഴി പഞ്ചായത്ത് 3-ാം വാർഡില്‍ ചെറുവാരണം ശശി സദനത്തില്‍ അജയ് (28) എന്നിവരെയാണ് അറസ്റ്റ് ചെയ്തത്.

മാരാരിക്കുളം പോലീസ് ആണ് ഇവരെ അറസ്റ്റ് ചെയ്തത്. ചേർത്തല ദേശീയപാതയില്‍ ഓട്ടോകാസ്റ്റിന് സമീപം കഴിഞ്ഞദിവസം വെളുപ്പിന് 5.45 ഓടെ ടാങ്കർ ലോറിയില്‍ ശേഖരിച്ച മാലിന്യം തള്ളിയ കേസിലാണ് നടപടി.

കോടതിയില്‍ ഹാജരാക്കി. പൊതുജനങ്ങള്‍ക്ക് ദോഷവും പരിസ്ഥിതിക്ക്

ദോഷകരവുമായ രീതിയില്‍ മാലിന്യം തള്ളിയതിനാണ് ഇവർക്കെതിരെ കേസെടുത്തത്.