മലയാറ്റൂരില്‍ കുട്ടിയാന കിണറ്റില്‍ വീണു; സമീപത്തായി കാട്ടാനക്കൂട്ടം; ഇടുക്കിയില്‍ വീണ്ടും ആനയിറങ്ങി; ആനയെ കണ്ട് ഭയന്നോടിയ വീട്ടമ്മയ്ക്ക് വീണ് പരിക്കേറ്റു

കൊച്ചി: മലയാറ്റൂരില്‍ കുട്ടിയാന കിണറ്റില്‍ വീണു.

ഇല്ലിത്തോട്ടില്‍ റബ്ബർ തോട്ടത്തിലെ കിണറ്റിലാണ് കുട്ടിയാന വീണത്. ഇന്ന് പുലർച്ചെയാണ് സംഭവം.

സമീപത്തായി കാട്ടാനക്കൂട്ടം നിലയുറപ്പിച്ചിട്ടുണ്ട്. അതിനാല്‍ത്തന്നെ കിണറിനടുത്തേക്ക് വനംവകുപ്പ് ഉദ്യോഗസ്ഥർക്ക് പോകാനാകുന്നില്ല.

അതേസമയം, ഇടുക്കിയിലെ ജനവാസ മേഖലയിലും കാട്ടാന ഇറങ്ങി. ആനയെ കണ്ട് ഭയന്നോടിയ വീട്ടമ്മയ്ക്ക് വീണ് പരിക്കേറ്റു. ബി എല്‍ റാം സ്വദേശി പാല്‍ത്തായ്ക്കാണ് പരിക്കേറ്റത്. പാല്‍ത്തായയെ തേനി മെഡിക്കല്‍ കോളേജിലേക്ക് കൊണ്ടുപോയി.