ലൈസൻസും ഇൻഷുറൻസും ഇല്ലാതെ വാഹനം ഓടിച്ചു ; അപകടം സംഭവിച്ച ശേഷം വാഹനം നിർത്തിയില്ല ; സൈക്ലിസ്റ്റായ 62കാരി വാഹനാപകടത്തില്‍ മരിച്ച സംഭവം ; ബ്രിട്ടനില്‍ മലയാളി യുവതിക്ക് നാലു വര്‍ഷം തടവുശിക്ഷ

സ്വന്തം ലേഖകൻ

ഹാൻഡ്‌ഫോർത്ത്: ബ്രിട്ടനില്‍ മലയാളി യുവതിക്ക് നാലു വർഷം തടവുശിക്ഷ. എമ്മ സ്മോള്‍വുഡ് (62 ) വാഹനാപകടത്തില്‍ മരിച്ച കേസിലാണ് ബ്രിട്ടനിലെ കോടതി മലയാളി യുവതിക്ക് ശിക്ഷ വിധിച്ചത്. സീന ചാക്കോ എന്ന നാല്‍പ്പത്തിരണ്ടുകാരിക്കാണ് ചെസ്റ്റർ ക്രൗണ്‍ കോടതി ശിക്ഷ വിധിച്ചത്.

2023 സെപ്റ്റംബർ 14 നാണ് സംഭവം നടന്നത്. ഹാൻഡ്‌ഫോർത്തിലെ ടേബ്ലി റോഡില്‍ വച്ച്‌ സീന ചാക്കോ ഓടിച്ചിരുന്ന വാഹനമിടിച്ചാണ് സൈക്ലിസ്റ്റ് എമ്മ സ്മോള്‍വുഡ് മരിച്ചത്.അപകടത്തില്‍ ഗുരുതരമായി പരുക്കേറ്റ സൈക്കിള്‍ യാത്രികയെ വഴിയാത്രക്കാരും പാരാമെഡിക്കുകളും ചേർന്നാണ് ആശുപത്രിയിലേക്ക് കൊണ്ടുപോയി. ‌ സെപ്റ്റംബർ 17 നാണ് മരണം സംഭവിച്ചത്.

പ്രതി, ലൈസൻസും ഇൻഷുറൻസും ഇല്ലാതെയാണ് വാഹനം ഓടിച്ചത്. അപകടം സംഭവിച്ച ശേഷം വാഹനം നിർത്തിയില്ലെന്നും കോടതി കണ്ടെത്തി.