സൗദിയില്‍ പ്രവാസി മലയാളി വെടിയേറ്റ് മരിച്ചു; താമസസ്ഥലത്ത് വാഹനം ക്ലീൻ ചെയ്യുന്നതിനിടെ അജ്ഞാത സംഘം വെടിവയ്ക്കുകയായിരുന്നുവെന്ന് വിവരം

റിയാദ്: സൗദി അറേബ്യയില്‍ മലയാളി വെടിയേറ്റ് മരിച്ചു.

കാസർകോട് സ്വദേശി ബഷീർ (41) ആണ് മരിച്ചത്. അസീർ പ്രവിശ്യയിലെ ബിഷയില്‍ ആണ് സംഭവം നടന്നത്.

താമസസ്ഥലത്ത് വാഹനം ക്ലീൻ ചെയ്യുന്നതിനിടെ അജ്ഞാത സംഘം വെടിവയ്ക്കുകയായിരുന്നു. വാഹനത്തിലെത്തിയാണ് സംഘം ബഷീറിനെ ആക്രമിച്ചത്.

13 വർഷമായി സൗദിയില്‍ ജോലി ചെയ്യുന്ന ബഷീർ ഹൗസ് ഡ്രെെവർ വിസയിലാണ് അവിടയെത്തിയത്. സംഭവത്തിന്റെ കൂടുതല്‍ വിവരങ്ങള്‍ പുറത്തുവന്നിട്ടില്ല.