വിസിറ്റിങ് വിസയിൽ എത്തിയ തൃശ്ശൂർ സ്വദേശി ഒമാനില്‍ മരിച്ചു, ഹൃദയസ്തംഭനം മൂലം ആശുപത്രിയിൽ എത്തിച്ചെങ്കിലും രക്ഷിക്കാനായില്ല

മസ്കറ്റ്: മലയാളി യുവാവ് ഒമാനില്‍ മരിച്ചു.

തൃശ്ശൂർ കോട്ടപ്പുറം നടുവിൽ പുരയ്ക്കൽ അനേക് (46) ആണ് ഹൃദയസ്തംഭനം മൂലം മസ്കറ്റിൽ വച്ച് മരിച്ചത്.

വിസിറ്റിങ് വിസയിൽ മസ്കറ്റിൽ എത്തിയ അനേകിന് ഹൃദയസ്തംഭനം നേരിട്ടതിനെ തുടർന്ന് സുൽത്താൻ ഖാബൂസ് ആശുപത്രിയിൽ പ്രവേശിപ്പിക്കുകയായിരുന്നു.

തുടർ ചികിത്സക്കായി ജൂലൈ 14 ഞായറാഴ്ച നാട്ടിലേക്ക് കൊണ്ടുപോകാനിരിക്കെയാണ് മരണം.

സേതുമാധവൻ-ഗീത ദമ്പതികളുടെ മകനാണ്. ഭാര്യ: നീതു. മകൾ: ഹൃതിക. സഹോദരൻ: ഗോപിനാഥ്.