മലപ്പുറത്ത് മഞ്ഞപ്പിത്തം പടരുന്നു ; 459 പേർ ചികിത്സ തേടി, പ്രദേശത്തെ സ്കൂളുകൾക്ക് ജാഗ്രത നിർദേശം

മലപ്പുറം : മലപ്പുറം വള്ളിക്കുന്നില്‍ മഞ്ഞപ്പിത്തം പടരുന്നതായി റിപ്പോർട്ട്. അത്താണിക്കലില്‍ മാത്രം 284 രോഗികള്‍ക്കാണ് മഞ്ഞപ്പിത്തം സ്ഥിരീകരിച്ചത്.

വള്ളിക്കുന്ന് മണ്ഡലത്തില്‍ 459 പേർ വിവിധ സമയങ്ങളിലായി ചികിത്സ തേടിയതായി അധികൃതർ അറിയിച്ചു.

ചേലേമ്ബ്രയില്‍ 15 വയസുകാരി ഇന്നലെ രോഗം ബാധിച്ച്‌ മരിച്ചിരുന്നു. മഞ്ഞപ്പിത്തം പടരുന്ന സാഹചര്യത്തില്‍ പ്രദേശത്ത് സ്കൂളുകള്‍ക്ക് ജാഗ്രത നിർദേശം നല്‍കി.