യോഗ്യത പ്രീഡിഗ്രി മാത്രം; 12 വര്‍ഷത്തോളം മെഡിക്കല്‍ ഷോപ്പുകളില്‍ മരുന്ന് എടുത്തു കൊടുക്കാന്‍ നിന്ന പരിചയം; ഡോക്ടറായി വിലസിയത് അഞ്ച് വര്‍ഷം; ഒടുവിൽ വ്യാജ ഡോക്ടര്‍ പിടിയില്‍….!

സ്വന്തം ലേഖിക

മലപ്പുറം: വഴിക്കടവില്‍ അഞ്ച് വര്‍ഷമായി ചികിത്സ നടത്തി വരികയായിരുന്ന വ്യാജ ഡോക്ടര്‍ പിടിയില്‍.

പ്രീഡിഗ്രി വിദ്യാഭ്യാസം മാത്രമുള്ള നോര്‍ത്ത് പറവൂര്‍ സ്വദേശി രതീഷാണ് പിടിയിലായത്.

ഇയാള്‍ ചികിത്സ ചെയ്ത ഹോസ്പിറ്റലിന്റെ ഉടമസ്ഥനായ ഷാഫി കാളികാവ്, മാനേജര്‍ പാണ്ടിക്കാട് ഷമീര്‍ എന്നിവരെ കസ്റ്റഡിയിലെടുത്തു.

12 വര്‍ഷത്തോളം വിവിധ മെഡിക്കല്‍ ഷോപ്പുകളില്‍ മരുന്ന് എടുത്തു കൊടുക്കാന്‍ നിന്ന പരിചയത്തിന്റെ അടിസ്ഥാനത്തിലാണ് രതീഷ് വഴിക്കടവില്‍ ഡോക്ടറായി വിലസിയത്.