മാഗി എന്നും ഒരുപോലെയാണോ തയ്യാറാക്കുന്നത്? ഇത്തവണ ഇതൊന്ന് ട്രൈ ചെയ്യൂ; കിടിലൻ രുചിയാണ്
കോട്ടയം: മാഗി എന്നും ഒരുപോലെയാണോ തയ്യാറാക്കുന്നത്? ഇത്തവണ ഇതുപോലെ ഒന്ന് ട്രൈ ചെയ്യൂ… സാധാരണ ഉണ്ടാക്കുന്നതില്‍ നിന്ന് വ്യത്യസ്തമായ ഒരു റെസിപ്പി.
കിടിലൻ സ്വാദില്‍ തയ്യാറാക്കാവുന്ന മാഗി മസാലയുടെ റെസിപ്പി.
ആവശ്യമായ ചേരുവകള്‍
Whatsapp Group 1 | Whatsapp Group 2 |Telegram Group
ഓയില്‍ – 2 ടേബിള്‍ സ്പൂണ്‍
ഇഞ്ചി വെളുത്തുള്ളി പേസ്റ്റ് – 1 ടേബിള്‍ സ്പൂണ്‍
സവാള – 1 എണ്ണം
പച്ച മുളക് – 2 എണ്ണം
മല്ലി പൊടി – 1/4 ടീ സ്പൂണ്‍
മുളക് പൊടി – 1/4 ടീ സ്പൂണ്‍
മഞ്ഞള്‍ പൊടി – 1/4 ടീ സ്പൂണ്‍
ചെറിയ ജീരകം
ഉപ്പ് – ആവശ്യത്തിന്
മുട്ട – 2 എണ്ണം
തക്കാളി
മാഗ്ഗി
തയ്യാറാക്കുന്ന വിധം
ഒരു പാന്‍ അടുപ്പില്‍ വെച്ച്‌ അതിലേക്ക് സണ്‍ഫ്‌ലവര്‍ ഓയില്‍ ഒഴിച്ച്‌ കൊടുക്കുക. ശേഷം ഇതിലേക്ക് ചെറുതായി അരിഞ്ഞു വച്ചിരിക്കുന്ന സവാള, പച്ചമുളക്, ഇഞ്ചി വെളുത്തുള്ളി പേസ്റ്റ് എന്നിവ ചേര്‍ത്ത് കൊടുത്തത് നന്നായി മിക്‌സ് ചെയ്യുക. ശേഷം ഇതിലേക്ക് മുളകു പൊടി, മഞ്ഞള്‍പ്പൊടി, മല്ലിപ്പൊടി, ചെറിയ ജീരകം, ആവശ്യത്തിന് ഉപ്പ് എന്നിവ ചേര്‍ത്ത് കൊടുത്ത് വീണ്ടും നന്നായി ഇളക്കി യോജിപ്പിച്ച ശേഷം രണ്ടു മുട്ട ചേര്‍ത്തു കൊടുക്കുക. കൂടെ തന്നെ ചെറുതായി അരിഞ്ഞ തക്കാളിയും ഇട്ട് ഹൈ ഫ്‌ലെയിമില്‍ വെച്ച്‌ മുട്ട നന്നായി വേകുന്നത് വരെയും ഇളക്കി യോജിപ്പിക്കുക.
ഇനി ഇതിലേക്ക് മാഗ്ഗി മസാല കൂടി ചേര്‍ത്ത് വീണ്ടും നന്നായി ഇളക്കി യോജിപ്പിച്ച ശേഷം ഇത് പാനില്‍ നിന്ന് മാറ്റാവുന്നതാണ്. ഇതേ പാനിലേക്ക് കുറച്ചു വെള്ളം ഒഴിച്ചു കൊടുത്ത് മാഗ്ഗി ന്യൂഡില്‍സ് ഇട്ടുകൊടുത്ത് നന്നായി വേവിക്കുക. നമ്മള്‍ ഉണ്ടാക്കി വച്ചിരിക്കുന്ന മസാല ഈ ഒരു ന്യൂഡില്‍സിലേക്ക് ഇട്ടു കൊടുത്ത് എല്ലാം കൂടി ഇളക്കി യോജിപ്പിച്ച്‌ എടുത്താല്‍ നമ്മുടെ ടേസ്റ്റി മാഗ്ഗി മസാല റെഡിയായി.
