നിരവധി ഗുണങ്ങളാണ് ലക്കി ബാംബൂ ചെടികൾക്ക് ഉള്ളത്. ഈ ചെടികൾക്ക് വീടിനുള്ളിൽ പ്രകൃതിദത്തമായ അന്തരീക്ഷം സൃഷ്ടിക്കാനും സാധിക്കുന്നു. ഇതോടെ വീടിനുള്ളിൽ ശാന്തതയും സമാധാനവും നിങ്ങൾക്ക് ലഭിക്കും. കിടപ്പുമുറിയിൽ ലക്കി ബാംബൂ വളർത്തേണ്ടതിന്റെ ആവശ്യകത എന്തൊക്കെയാണെന്ന് അറിയാം.
ശുദ്ധ വായു
വീടിനുള്ളിലെ വായുവിലുള്ള വിശാംശത്തെ ഇല്ലാതാക്കി വായുവിനെ ശുദ്ധീകരിക്കുന്നതിൽ പ്രധാനിയാണ് ലക്കി ബാംബൂ. ഇത് അന്തരീക്ഷത്തിലെ കാർബൺ ഡയോക്സൈഡിനെ വലിച്ചെടുക്കുകയും ഓക്സിജനെ പുറത്തുവിടുകയും ചെയ്യുന്നു.
Whatsapp Group 1 | Whatsapp Group 2 |Telegram Group
നല്ല ഉറക്കം ലഭിക്കുന്നു
മുറിക്കുള്ളിൽ ശാന്തമായ അന്തരീക്ഷവും പച്ചപ്പും ലഭിക്കുന്നതിലൂടെ നിങ്ങൾക്ക് വിശ്രമകരമായ ഉറക്കം ലഭിക്കുന്നു. അതിനാൽ തന്നെ കിടപ്പുമുറിയിൽ ലക്കി ബാംബൂ വളർത്തുന്നത് നല്ലതായിരിക്കും.
പരിപാലിക്കാൻ എളുപ്പം
ലക്കി ബാംബുവിന് അമിതമായി സൂര്യപ്രകാശത്തിന്റെ ആവശ്യം വരുന്നില്ല. വളരെ കുറച്ച് വെളിച്ചവും വെള്ളവും മാത്രമേ ഇതിന് ആവശ്യമുള്ളു. അതിനാൽ തന്നെ ലക്കി ബാംബൂ പരിപാലിക്കാൻ എളുപ്പമാണ്.
സ്ട്രെസ് കുറയ്ക്കാൻ സഹായിക്കുന്നു
പച്ചപ്പ് എപ്പോഴും നമുക്ക് നല്ല അന്തരീക്ഷം പ്രധാനം ചെയ്യുന്നു. ഒട്ടുമിക്ക ആളുകളും സമാധാനത്തിന് വേണ്ടി പ്രകൃതി ആസ്വദിക്കാൻ കഴിയുന്ന സ്ഥലങ്ങളിലേക്ക് യാത്ര പോകാറുണ്ട്. പച്ചപ്പ് നിറഞ്ഞ അന്തരീക്ഷം വീടിനുള്ളിൽ തന്നെ ഇത്തരം ഇൻഡോർ പ്ലാന്റുകളിലൂടെ സൃഷ്ടിക്കാൻ സാധിക്കും. ഇത് നിങ്ങൾക്ക് എപ്പോഴും സമാധാനവും സന്തോഷവും തരുന്നു.
