![വനിത ബോക്സിങിൽ ഇന്ത്യക്ക് വെങ്കലം; ലവ്ലിന ബോര്ഗൊഹെയ്ന പൊരുതി തോറ്റത് ലോക ഒന്നാം നമ്പര് താരത്തോട് വനിത ബോക്സിങിൽ ഇന്ത്യക്ക് വെങ്കലം; ലവ്ലിന ബോര്ഗൊഹെയ്ന പൊരുതി തോറ്റത് ലോക ഒന്നാം നമ്പര് താരത്തോട്](https://i0.wp.com/thirdeyenewslive.com/storage/2021/08/lo.jpg?fit=600%2C450&ssl=1)
വനിത ബോക്സിങിൽ ഇന്ത്യക്ക് വെങ്കലം; ലവ്ലിന ബോര്ഗൊഹെയ്ന പൊരുതി തോറ്റത് ലോക ഒന്നാം നമ്പര് താരത്തോട്
സ്വന്തം ലേഖകൻ
ടോക്യോ: ബോക്സിങിൽ ഇന്ത്യക്ക് വെങ്കലം. വനിതകളുടെ വെല്റ്റര് വെയ്റ്റ് വിഭാഗത്തിൽ ഇന്ത്യയുടെ വനിതാ ബോക്സര് ലവ്ലിന ബോര്ഗൊഹെയ്നാണ് ഇന്ത്യയ്ക്ക് വേണ്ടി വെങ്കല മെഡല് സ്വന്തമാക്കിയത്.
ലോക ഒന്നാം നമ്പര് താരമായ തുര്ക്കിയുടെ ബുസെനാസ് സുര്മെലെനിയോട് തോല്വി വഴങ്ങിയതോടെ ലവ്ലിന വെങ്കലമെഡല് ഉറപ്പിച്ചു. സ്കോര്: 5-0
Whatsapp Group 1 | Whatsapp Group 2 |Telegram Group
അനായാസ വിജയമാണ് ബുസെനാസ് നേടിയെടുത്തത്. ആദ്യമായി ഒളിമ്പിക്സില് പങ്കെടുക്കുന്ന ലവ്ലിനയ്ക്കെതിരേ പരിചയ സമ്പത്തിന്റെ കരുത്തിലാണ് തുര്ക്കി താരം വിജയം സ്വന്തമാക്കിയത്.
മത്സരത്തിന്റെ ഒരു ഘട്ടത്തില് പോലും ലവ്ലിനയ്ക്ക് ആധിപത്യം പുലര്ത്താനായില്ല. വിജയിച്ചിരുന്നെങ്കില് ഇന്ത്യയ്ക്ക് വേണ്ടി ബോക്സിങ്ങില് ഒളിമ്പിക്സില് ഫൈനല് കളിക്കുന്ന ആദ്യ താരം എന്ന നേട്ടം സ്വന്തമാക്കാന് താരത്തിന് കഴിയുമായിരുന്നു.
ആദ്യ റൗണ്ടില് ലവ്ലിന നന്നായി തുടങ്ങിയെങ്കിലും ലോക ഒന്നാം നമ്പര് താരത്തിനെതിരേ പിന്നീട് മത്സരം കൈവിടുകയായിരുന്നു. ആദ്യ റൗണ്ട് ബുസെനാസ് സ്വന്തമാക്കി. രണ്ടാം റൗണ്ടില് തുര്ക്കി താരം ലീഡുയര്ത്തിയതോടെ ലവ്ലിന പതറി.
ഒടുവില് ബോക്സിങ് റിങ്ങില് നിന്നും വെള്ളി മെഡല് നേടിക്കൊണ്ട് തലയുയര്ത്തി ലവ്ലിന ഇന്ത്യയുടെ അഭിമാനമായി മാറി. മിരാബായ് ചാനുവിനും സിന്ധുവിനും ശേഷം ഇന്ത്യ ഈ ഒളിമ്പിക്സില് നേടുന്ന മൂന്നാമത്തെ മെഡലാണിത്.
വിജേന്ദര് സിങ്ങിനും (2008) മേരി കോമിനും (2012) ശേഷം ബോക്സിങ്ങില് ഇന്ത്യയ്ക്ക് വേണ്ടി മെഡല് നേടുന്ന താരം എന്ന ബഹുമതി ലവ്ലിന സ്വന്തമാക്കി. മേരി കോമിന് ശേഷം ഈ നേട്ടം കൈവരിക്കുന്ന ആദ്യ വനിത കൂടിയാണ് ലവ്ലിന.