കോഴിക്കോട്: ബസില് ലൈംഗികാതിക്രമം നടത്തിയെന്നാരോപിച്ച് സമൂഹമാധ്യമത്തില് വീഡിയോ പ്രചരിപ്പിച്ചതിനെത്തുടര്ന്ന് യുവാവ് ജീവനൊടുക്കിയ കേസില് പ്രതി ഷിംജിതക്കായി ലുക്കൗട്ട് നോട്ടീസ് പുറപ്പെടുവിച്ച് പോലീസ്.
കോഴിക്കോട് മെഡിക്കല് കോളജ് പൊലീസാണ് ലുക്കൗട്ട് നോട്ടീസ് പുറപ്പെടുവിച്ചത്. നിലവില് ഷിംജിത ഒളിവിലാണ്.
അതേസമയം ദീപക് ജീവനൊടുക്കിയ കേസില് പ്രതി ഷിംജിത മുൻകൂർ ജാമ്യാപേക്ഷ നല്കിയിട്ടുണ്ട്. കോഴിക്കോട് ജില്ലാ കോടതിയിലാണ് ജാമ്യാപേക്ഷ നല്കിയത്.
Whatsapp Group 1 | Whatsapp Group 2 |Telegram Group
കേസുമായി ബന്ധപ്പെട്ട കൂടുതൽ ദൃശ്യങ്ങള് ശേഖരിക്കാനും സ്വകാര്യ ബസ് ജീവനക്കാര് ഉള്പ്പെടെയുള്ളവരുടെ മൊഴിയെടുക്കാനുമുള്ള നീക്കത്തിലാണ് പൊലീസ്. ആത്മഹത്യപ്രേരണക്കുറ്റമാണ് ഷിംജിതക്കെതിരെ ചുമത്തിയത്. ഷിംജിതക്കെതിരെ കൂടുതല് വകുപ്പുകള് ചുമത്തണമെന്നും വിദേശത്തേക്ക് രക്ഷപ്പെടുന്നതിന് മുമ്പ് പിടികൂടണമെന്നും ദീപക്കിന്റെ കുടുംബം ആവശ്യപ്പെട്ടിട്ടുണ്ട്.
