സിനിമാപ്രേമികൾ കഴിഞ്ഞ കുറെ മാസങ്ങളായി ആകാംഷയോടെ കാത്തിരുന്ന ചിത്രമാണ് ലോക – ചാപ്റ്റര് വണ്:ചന്ദ്ര.
കല്യാണി പ്രിയദർശൻ, നസ്ലെന് എന്നിവർ കേന്ദ്ര കഥാപാത്രങ്ങളായി എത്തുന്ന ചിത്രം നിർമ്മാണം ചെയ്തിരിക്കുന്നത് ദുല്ഖര് സല്മാന്റെ വേഫെറര് ഫിലിംസ് ആണ്. ചിത്രം ഇന്ന് മുതല് തിയേറ്ററുകളില് പ്രദര്ശനം ആരംഭിച്ചിരിക്കുകയാണ്. മലയാള സിനിമയില് ഇതുവരെ കാണാത്ത തരത്തിലുള്ള ഒരു ഫാന്റസി സൂപ്പര് ഹീറോ ചിത്രമാണിതെന്നാണ് പ്രേക്ഷകര് പറയുന്നത്.
കല്യാണി പ്രിയദർശനും നസ്ലെനും അവതരിപ്പിച്ച കഥാപാത്രങ്ങൾക്കും പ്രേക്ഷകരിൽ നിന്ന് മികച്ച പ്രതികരണമാണ് ലഭിക്കുന്നത്. ചിത്രത്തിലെ വിഎഫ്എക്സ്, ടെക്നിക്കൽ സൈഡ്, പിന്നണി സംഗീതം എന്നിവയെല്ലാം പ്രശംസിക്കപ്പെടുന്നുണ്ട്. സംവിധായകൻ ഡൊമിനിക്സ് അരുണിന്റെ സംവിധാനവും ശ്രദ്ധേയമായി മാറിയിട്ടുണ്ട്. ഓണം ലോക തൂക്കി എന്നാണ് ആരാധകർ പറയുന്നത്.
Whatsapp Group 1 | Whatsapp Group 2 |Telegram Group
സൂപ്പര്ഹീറോ ആയ ‘ചന്ദ്ര’ എന്ന് പേരുള്ള കഥാപാത്രമായി കല്യാണി പ്രിയദര്ശന് വേഷമിട്ടിരിക്കുന്ന ചിത്രത്തില് ‘സണ്ണി’ എന്നാണ് നസ്ലന് അവതരിപ്പിക്കുന്ന കഥാപാത്രത്തിന്റെ പേര്. ഇന്സ്പെക്ടര് നാച്ചിയപ്പ ഗൗഡ എന്ന കഥാപാത്രമായി തമിഴ് താരം സാന്ഡിയും ‘വേണു’ ആയി ചന്ദുവും, ‘നൈജില്’ ആയി അരുണ് കുര്യനും ചിത്രത്തില് അഭിനയിച്ചിരിക്കുന്നു. ശാന്തി ബാലചന്ദ്രന്, ശരത് സഭ, നിഷാന്ത് സാഗര് എന്നിവരും ചിത്രത്തിന്റെ താരനിരയിലുണ്ട്. ഒന്നിലധികം ഭാഗങ്ങളില് ഒരുങ്ങുന്ന ഒരു സിനിമാറ്റിക്ക് യൂണിവേഴ്സിന്റെ ആദ്യ ഭാഗമാണ് ‘ലോക – ചാപ്റ്റര് വണ്: ചന്ദ്ര’. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളില് ചിത്രം പ്രദര്ശനത്തിനെത്തുണ്ട്.
ഛായാഗ്രഹണം -നിമിഷ് രവി, സംഗീതം – ജേക്സ് ബിജോയ്, എഡിറ്റര് – ചമന് ചാക്കോ, എക്സിക്യൂട്ടീവ് പ്രൊഡ്യൂസേഴ്സ്-ജോം വര്ഗീസ്, ബിബിന് പെരുമ്ബള്ളി, അഡീഷണല് തിരക്കഥ-ശാന്തി ബാലചന്ദ്രന്, പ്രൊഡക്ഷന് ഡിസൈനര്-ബംഗ്ലാന് , കലാസംവിധായകന്-ജിത്തു സെബാസ്റ്റ്യന്, മേക്കപ്പ് – റൊണക്സ് സേവ്യര്, കോസ്റ്റ്യൂം ഡിസൈനര്-മെല്വി ജെ, അര്ച്ചന റാവു, സ്റ്റില്സ്- രോഹിത് കെ സുരേഷ്, അമല് കെ സദര്, ആക്ഷന് കൊറിയോഗ്രാഫര്- യാനിക്ക് ബെന്, പ്രൊഡക്ഷന് കണ്ട്രോളര് – റിനി ദിവാകര്, വിനോഷ് കൈമള്, ചീഫ് അസോസിയേറ്റ്-സുജിത്ത് സുരേഷ്.
