കൊച്ചി: സമൂഹമാധ്യമങ്ങളിൽ ശ്രദ്ധേയരായ ‘ലിറ്റിൽ കപ്പിൾ’ എന്നറിയപ്പെടുന്ന അമൽ, സിത്താര ദമ്പതികൾക്ക് നേരെ രൂക്ഷമായ സൈബർ ആക്രമണം. തങ്ങളുടെ ശാരീരിക പ്രത്യേകതകളെ പരിഹസിച്ച് കൊണ്ടുള്ള ക്രൂരവും നിന്ദ്യവുമായ വാക്കുകളിലൂടെയാണ് ചിലർ ഇവരെ അധിക്ഷേപിക്കുന്നതെന്ന് ദമ്പതികൾ പറഞ്ഞു. ഈ വിഷയത്തിൽ നിയമ നടപടി സ്വീകരിക്കുമെന്നും ഇവർ വ്യക്തമാക്കി.
‘ഞങ്ങൾക്കും ജീവിക്കണം. സമൂഹമാധ്യമങ്ങളിലെ അവഹേളനം അതിരുകടക്കുകയാണ്. ഇത് മാനസികമായും ശാരീരികമായും ബുദ്ധിമുട്ടുകൾ സൃഷ്ടിക്കുന്നു. ശരീരം ചെറുതായതുകൊണ്ട് മാത്രം ഞങ്ങളെ അവഹേളിക്കുന്നത് ശരിയല്ല.
സമൂഹത്തിൽ മാന്യമായി ജീവിക്കാൻ ഞങ്ങൾക്കും അവകാശമുണ്ട്,’ അമലും സിത്താരയും കൂട്ടിച്ചേർത്തു. അശ്ലീല സന്ദേശങ്ങൾ വരെ അയക്കുന്നതായും ഇവർ പരാതിപ്പെട്ടു. ഇത്തരം പ്രവർത്തികളിൽ ഏർപ്പെടുന്നവർക്കെതിരെ ശക്തമായ നിയമനടപടികൾ സ്വീകരിക്കുമെന്നും ദമ്പതികൾ അറിയിച്ചു.
Whatsapp Group 1 | Whatsapp Group 2 |Telegram Group