ലോക്ഡൗൺ ഇളവിൽ മദ്യശാലകളും; സംസ്ഥാനത്തെ മദ്യശാലകളും ബാറുകളും ഞായറാഴ്ച തുറക്കും

സ്വന്തം ലേഖകൻ 

തിരുവനന്തപുരം: സംസ്ഥാനത്തെ മദ്യശാലകളും ബാറുകളും ഞായറാഴ്ച തുറക്കും. ലോക്ഡൗണ്‍ ഇളവുള്ള പ്രദേശങ്ങളിലെ മദ്യശാലകൾക്കാണ് തുറന്നു പ്രവർത്തിക്കാനുള്ള അനുമതി നൽകിയിരിക്കുന്നത്. ട്രിപ്പിള്‍ ലോക്ഡൗണുള്ള ഡി വിഭാഗത്തില്‍ ഇളവുണ്ടാകില്ല.

ബക്രീദ് പ്രമാണിച്ച് കേരളത്തിൽ മൂന്നുദിവസം ലോക്ഡൗണില്‍ ഇളവ് നല്‍കാന്‍ സര്‍ക്കാര്‍ ഇന്നലെ തീരുമാനിച്ചിരുന്നു.

ഞായര്‍, തിങ്കള്‍, ചൊവ്വ ദിവസങ്ങളിലാണ് ലോക്ഡൗണിലും നിയന്ത്രണങ്ങളിലും ഇളവുവരുത്തിയത്.

എ, ബി, സി വിഭാഗങ്ങളില്‍പ്പെടുന്ന മേഖലകളില്‍ എല്ലാ കടകള്‍ക്കും രാത്രി എട്ടുമണിവരെ തുറന്നുപ്രവര്‍ത്തിക്കാം.