കോട്ടയം: കാലാവസ്ഥാ വ്യതിയാനം, ശരീരത്തിൽ വെള്ളക്കുറവ്, അധിക ചൂട്, തണുപ്പ്, അല്ലെങ്കില് ചില ശീലങ്ങൾ-എന്നിവയെല്ലാം ചേരുമ്പോഴാണ് പലരിലും ചുണ്ടുകൾ വരണ്ടു പൊട്ടുന്ന പ്രശ്നം ഉണ്ടാകുന്നത്.
ചുണ്ട് വരണ്ടാ ൽ പലരും അറിയാതെ തന്നെ നാവ് കൊണ്ട് നനയ്ക്കുന്ന ശീലം കാണാറുണ്ട്. എന്നാൽ ഇത് താല്ക്കാലിക ആശ്വാസം നല്കുമെങ്കിലും കുറേനാൾ കഴിഞ്ഞാൽ പ്രശ്നം കൂടുതൽ രൂക്ഷമാവുന്നതാണ്.
നാവിലെ ഉമിനീർ ചുണ്ടിൽ പതിഞ്ഞാൽ കുറച്ച് നിമിഷം നനവ് തോന്നും. എന്നാൽ ഉമിനീര് വേഗത്തിൽ വറ്റുമ്പോൾ ചുണ്ടിലെ സ്വാഭാവിക ഈർപ്പം കൂടി നഷ്ടപ്പെടുന്നു. ഇതാണ് ചുണ്ട് കൂടുതൽ വരണ്ടതാക്കുകയും പൊട്ടലുകൾ വർധിപ്പിക്കുകയും ചെയ്യുന്നത്. കൂടാതെ നാവിലുള്ള എൻസൈമുകൾ ചുണ്ടിന്റെ ത്വക്കിന് അനുയോജ്യമല്ലാത്തതിനാല് ചൊറിച്ചിലും വേദനയും ഉണ്ടാകാം.
Whatsapp Group 1 | Whatsapp Group 2 |Telegram Group
ചുണ്ട് സംരക്ഷിക്കാൻ ഏറ്റവും നല്ലത് മതിയായ വെള്ളം കുടിക്കുന്നതാണ്. ശരീരത്തിനുള്ളിലെ ജലത്തിന്റെ അളവ് ശരിയായാൽ ചുണ്ടുകളും സ്വാഭാവികമായി ഈര്പ്പമുള്ളതായിരിക്കും. പുറമേ ലിപ് ബാം, തേന്, നെയ്യ്, വെളിച്ചെണ്ണ തുടങ്ങിയ പ്രകൃതിദത്ത മോയ്സ്ചറൈസറുകൾ ഉപയോഗിക്കുന്നതും നല്ലതാണ്. രാത്രി ഉറങ്ങാന് മുൻപ് ഇവ പുരട്ടിയാല് മികച്ച ഫലം ലഭിക്കും.
കൂടാതെ, അമിതമായി ചൂടുള്ള ഭക്ഷണം, മസാല കൂടുതലുള്ള ആഹാരം, പുകവലി എന്നിവ ഒഴിവാക്കുന്നതും ചുണ്ടുകളുടെ ആരോഗ്യത്തിന് സഹായകരമാണ്. പുറത്തുപോകുമ്പോൾ നേരിട്ട് കാറ്റും സൂര്യപ്രകാശവും ഏല്ക്കുന്നത് കുറയ്ക്കാനും ശ്രദ്ധിക്കണം.
ചുണ്ടുകൾ വരണ്ടു പൊട്ടുമ്പോൾ നാവ് കൊണ്ട് നനയ്ക്കുന്ന ശീലം ഒഴിവാക്കി ശരിയായ പരിചരണം നല്കിയാല്, ചുണ്ടുകള് വീണ്ടും മൃദുവും ആരോഗ്യകരവുമായി മാറും. ചെറിയ ശീലങ്ങൾ തന്നെയാണ് പലപ്പോഴും വലിയ ആശ്വാസം നല്കുന്നത്.
