പുനലൂരിൽ ഇടിമിന്നലേറ്റ് 2 തൊഴിലാളികൾ മരിച്ചു ; പറമ്പിൽ പണിയെടുത്തു കൊണ്ടിരിക്കെയാണ് ഇരുവർക്കും ഇടിമിന്നലേറ്റത്

കൊല്ലം : പുനലൂരിൽ ഇടിമിന്നലേറ്റ് 2 തൊഴിലാളികൾ മരിച്ചു. മരിച്ചത് മണിയാർ സ്വദേശികളായ സരോജം രജനി എന്നിവർ.

അപകടം നടന്നത് ഉച്ചയ്ക്ക് 12 മണിയോടെ. പറമ്പിൽ പണിയെടുത്തു കൊണ്ടിരിക്കെയാണ് ഇരുവർക്കും ഇടിമിന്നലേറ്റത്. മൃതദേഹങ്ങൾ പുനലൂർ താലൂക്ക് ആശുപത്രിയിലേക്ക് മാറ്റി.

പുനലൂരിൽ രാവിലെ മുതൽ ചെറിയ മഴയും ശക്തമായ ഇടിമിന്നലും ഉണ്ടായിരുന്നു. പ്രദേശത്ത് ഇടിമിന്നൽ ജാഗ്രത നിർദേശം പുറപ്പെടുവിച്ചിരിക്കുകയാണ്.