പാലക്കാട്: റോഡ് അപകടങ്ങളില് കാല്നടയാത്രക്കാർക്ക് മരണവും പരിക്കും കൂടുതലായി സംഭവിക്കുന്നതിനാല് കാല്നട യാത്രക്കാർക്ക് ആവശ്യമായ സുരക്ഷയും ഡ്രൈവർമാർക്ക് ആവശ്യമുള്ള ബോധവത്കരണവും നല്കുന്നതിന്റെ ഭാഗമായി മോട്ടോർ വാഹന വകുപ്പ് പാലക്കാട് നഗരത്തില് നടത്തിയ പ്രത്യേക പരിശോധനയില് 24 വാഹനങ്ങള്ക്കെതിരെ കേസെടുത്തു.
ഒരാള് മഫ്തിയില് സീബ്രാ ക്രോസിംഗിന് അടുത്ത് നിന്ന് ദൃശ്യങ്ങള് പകർത്തുകയും നിയമലംഘനം നടത്തിയ വാഹനങ്ങള്ക്കെതിരെ കുറച്ച് അപ്പുറത്തുള്ള സ്ക്വാഡ് നടപടി എടുക്കുകയും ചെയ്തു. തുടർച്ചയായി നിയമ ലംഘനത്തില് ഉള്പ്പെടുന്ന ഡ്രൈവർമാരുടെ ലൈസൻസ് സസ്പെൻഡ് ചെയ്യുമെന്ന് പാലക്കാട് ആർടിഒ സി യു. മുജീബ് അറിയിച്ചു. പരിശോധനയില് മോട്ടോർ വെഹിക്കിള്സ് ഇൻസ്പെക്ടർമാരായ പ്രവീണ്കുമാർ, അൻസാർ, സജിത്ത്, അസിസ്റ്റന്റ് മോട്ടോർ വെഹിക്കിള്സ് ഇൻസ്പെക്ടർമാരായ സജീവ്, ദിലീപ്, അനില്കുമാർ, റിയാസ് വൈശാഖ് എന്നിവർ പങ്കെടുത്തു.
