ബ്രിട്ടനിൽ നിന്നും മടങ്ങിയെത്തിയ നടി ലെനയ്ക്ക് കോവിഡ് ; കോവിഡ് വകഭേദം കണ്ടെത്താൻ സാമ്പിൾ അയച്ചിരിക്കുന്നത് പൂനെ വൈറോളജി ഇന്‍സ്റ്റിറ്റ്യൂട്ടിലേക്ക്‌

സ്വന്തം ലേഖകൻ

കൊച്ചി : ബ്രിട്ടനിൽ നിന്ന് ഷൂട്ടിങ്ങ് കഴിഞ്ഞ് തിരിച്ചെത്തിയ നടി ലെനയ്ക്ക് കൊവിഡ് സ്ഥിരീകരിച്ചു. ബംഗളൂരു വിമാനത്താവളത്തിൽ വച്ച് നടത്തിയ ആർടി പിസിആർ പരിശോധനയിലാണ് രോഗം സ്ഥിരീകരിച്ചത്. നടിക്ക് രോഗലക്ഷണങ്ങൾ ഇല്ലെന്നും ആരോഗ്യ വകുപ്പ് അധികൃതർ വ്യക്തമാക്കി.

താരം ഇപ്പോൾ ബംഗളൂരു മെഡിക്കൽ കോളജ് ആൻഡ് റിസർച്ച് ഇൻസ്റ്റിറ്റിയൂട്ടിലെ ട്രോമ കെയർ സെന്ററിൽ നിരീക്ഷണത്തിൽ കഴിയുകയാണ്. പൂനെയിലെ വൈറോളജി ഇൻസ്റ്റിറ്റിയൂട്ടിൽ നിന്ന് പരിശോധന ഫലം വന്നതിന് ശേഷം മാത്രമേ കൊവിഡിന്റെ വകഭേദം കണ്ടെത്താനാകൂ.

‘ഫൂട്ട്പ്രിന്റ്‌സ് ഓൺ ദ് വാട്ടർ’ എന്ന ഇന്തോ ബ്രിട്ടീഷ് സിനിമയുടെ ചിത്രീകരണത്തിനുവേണ്ടിയായിരുന്നു ലെന ബ്രിട്ടനിൽ പോയത്.

കൊവിഡിന്റെ പുതിയ വകഭേദം കണ്ടെത്തിയതിന് പിന്നാലെ ബ്രിട്ടനിൽ നിന്നെത്തുന്നവരെയെല്ലാം ആർടി പിസിആർ പരിശോധനയ്ക്ക് വിധേയരാക്കുന്നുണ്ട്. ഇതിന്റെ പ്ശ്ചാത്തലത്തിൽ ഫലം വരുന്നതുവരെ യാത്രക്കാരോട് വിമാനത്താവളത്തിൽ കാത്തിരിക്കാനും അധികൃതർ നിർദേശം നൽകിയിട്ടുണ്ട്.