സ്വകാര്യത നിലനിർത്തുമ്പോള്‍ തന്നെയാണ് ജീവിതത്തിന് ഭംഗി ;.പലവട്ടം ആലോചിച്ച്‌ ഉറപ്പിച്ച എന്റെ ശരിയിലേക്ക് ഞാൻ നില ഉറപ്പിക്കുകയാണ് ; വിവാഹമോചന വാർത്ത പുറത്തു വിട്ട് നടി ലക്ഷ്മിപ്രിയ
വിവാഹമോചന വാർത്ത പുറത്തു വിട്ട് നടി ലക്ഷ്മിപ്രിയ. ഭർത്താവ് ജയേഷുമായി വേർപിരിയുകയാണെന്ന് ലക്ഷ്മിപ്രിയ ഫെയ്സ്ബുക്കില്‍ പോസ്റ്റിലൂടെ വ്യക്തമാക്കി. എന്നാല്‍ അധികം വൈകാതെ തന്നെ പോസ്റ്റ് പിൻവലിച്ചു. കുടുംബവിശേഷങ്ങള്‍ ഒരിക്കലും സമൂഹമാധ്യമത്തില്‍ അമിതമായി പങ്കുവെക്കാറില്ലെന്നും സ്വകാര്യത നിലനിർത്തുമ്ബോള്‍ തന്നെയാണ് ജീവിതത്തിന്‍റെ ഭംഗി എന്നാണ് വിശ്വസമെന്നും നടി കുറിച്ചു. 22 വർഷമായി തുടരുന്ന ദാമ്ബത്യ ജീവിതം അവസാനിപ്പിക്കുകയാണെന്ന് നടി വ്യക്തമാക്കി. ദാമ്ബത്യത്തില്‍ ഇമോഷണല്‍ അറ്റാച്ച്‌മെന്റ് നഷ്ടമായെന്നും എല്ലാതെറ്റും തന്‍റേതാണെന്നും ലക്ഷ്മിപ്രിയ കൂട്ടിച്ചേർത്തു.
ലക്ഷ്മിപ്രിയയുടെ കുറിപ്പ്
‘ജീവിതത്തില്‍ ഏറ്റവും വെറുത്ത ചില കാര്യങ്ങള്‍ എനിക്ക് ചെയ്യേണ്ടി വന്നിട്ടുണ്ട്. നാല്‍പ്പതുകളുടെ തുടക്കത്തില്‍ ജീവിതം എത്തി നില്‍ക്കുന്ന ഈ വേളയില്‍ എന്റെ ജീവിതത്തിലെ ഏറ്റവും നിർണായകമായ ഒരു തീരുമാനം എടുക്കേണ്ടതായി വരുന്നു.പലവട്ടം ആലോചിച്ച്‌ ഉറപ്പിച്ച എന്റെ ശരിയിലേക്ക് ഞാൻ നില ഉറപ്പിക്കുകയാണ്. കുടുംബവിശേഷങ്ങള്‍ ഒരിക്കലും ഞാൻ സോഷ്യല്‍മീഡിയയില്‍ അമിതമായി പങ്കുവെക്കാറില്ല. ജീവിതം അതിന്റെ സ്വകാര്യത നിലനിർത്തുമ്ബോള്‍ തന്നെയാണ് അതിന്റെ ഭംഗി എന്നാണ് എന്റെ വിശ്വസം. 22 വർഷമായി ഇണക്കവും പിണക്കവുമായി തുടരുന്ന ഞങ്ങളുടെ ദാമ്ബത്യ ജീവിതം അവസാനിപ്പിക്കുന്നതിനെ പറ്റിയാണ് ഞാൻ പറയുന്നത്.
Whatsapp Group 1 | Whatsapp Group 2 |Telegram Group
വിവാഹത്തിന്റെ ആദ്യ നാളുകളിലാണ് ഡിവോഴ്സ് വർധിക്കുന്നത്. ഇത് കൗമാരം മുതല്‍ ഈ വയസ് വരെ തുടരുന്ന ദാമ്ബത്യത്തില്‍ ഇമോഷണല്‍ അറ്റാച്ച്‌മെന്റ് വളരെ കൂടുതലായിരിക്കും. ഇപ്പോള്‍ എവിടെയോ ആ കണക്ഷൻ ഞങ്ങള്‍ക്ക് നഷ്ടമായിരിക്കുന്നു. തെറ്റുകളും കുറ്റങ്ങളും എന്റേതാണ്.
എല്ലാം എന്റെ പ്രശ്നമാണ്. ആയതിനാല്‍ ചേർത്ത് വെച്ചാലും ചേരാത്ത ജീവിതം അതില്‍ നിന്നും ഞാൻ പിൻവാങ്ങുകയാണ്. ഞാൻ സ്വപ്നത്തില്‍ പോലും അദ്ദേഹത്തെ പിരിയുമെന്ന് കരുതിയിട്ടില്ലായിരുന്നു. ആരംഭത്തിന് എല്ലാം അവസാനമുണ്ട്. ഇപ്പോള്‍ ഞങ്ങളുടെ സെപ്പറേഷൻ ടൈമായിരിക്കുന്നു. ദയവായി അതാണോ ഇതാണോ കാരണമെന്ന് അന്വേഷിക്കാതിരിക്കുക. ആ ഇമോഷണല്‍ ബോണ്ടിങ് നഷ്ടമായി അത് മാത്രമാണ് കാരണം. ഞങ്ങളുടെ സ്വകാര്യത, മക്കള്‍ ഇതൊക്കെ മാനിക്കാൻ അപേക്ഷിക്കുന്നു’.
