മരണത്തിന് ഞാൻ മാത്രമാണ് ഉത്തരവാദിയെന്ന് കുറിപ്പ്; കൊല്ലത്ത് യുവതിയെ കിടപ്പുമുറിയിൽ തൂങ്ങിമരിച്ച നിലയിൽ കണ്ടെത്തി; ജീവനൊടുക്കിയത് മൂന്നും ആറും വയസുള്ള കുട്ടികളെ മുറിയിൽ നിന്ന് പുറത്താക്കിയ ശേഷം; ബന്ധുക്കളിൽ നിന്നുൾപ്പെടെ മൊഴിയെടുത്ത് പൊലീസ് അന്വേഷണം ആരംഭിച്ചു

കൊല്ലം: നെടുവത്തൂരിൽ യുവതിയെ തൂങ്ങിമരിച്ച നിലയിൽ കണ്ടെത്തി. ഇഞ്ചക്കാട് സ്വദേശി അനീഷിൻ്റെ ഭാര്യ ഇരുപത്തിയാറുകാരി ശരണ്യമോൾ ആണ് മരിച്ചത്.

ഭർത്താവ് അനീഷ് വിദേശത്താണ്. മരണത്തിന് ഞാൻ മാത്രമാണ് ഉത്തരവാദിയെന്ന് എഴുതിയ കുറിപ്പ് പൊലീസിന് ലഭിച്ചു.

ഭർതൃവീടായ ഇഞ്ചക്കാട് നിന്ന് രണ്ടു ദിവസം മുൻപാണ് ശരണ്യ നെടുവത്തൂരിലെ വീട്ടിലേക്ക് എത്തിയത്.

മൂന്നും ആറും വയസുള്ള കുട്ടികളെ മുറിയിൽ നിന്ന് പുറത്താക്കിയ ശേഷം തൂങ്ങിമരിക്കുകയായിരുന്നു. ബന്ധുക്കളിൽ നിന്നുൾപ്പെടെ മൊഴിയെടുത്ത് കൊട്ടാരക്കര പൊലീസ് അന്വേഷണം തുടങ്ങി.