തിരുവനന്തപുരം വേളിയിൽ ഓട്ടോയിൽ കടത്തുകയായിരുന്ന കഞ്ചാവുമായി യുവതി പിടിയില്‍

തിരുവനന്തപുരം: ഓട്ടോയിൽ കടത്തുകയായിരുന്ന കഞ്ചാവുമായി യുവതി പിടിയില്‍. വലിയ വേളി സ്വദേശിനി ബിന്ദുവിനെ (30)ആണ് ഡാന്‍സാഫ് സംഘം 4 കിലോ കഞ്ചാവുമായി അറസ്റ്റ് ചെയ്തിരിക്കുന്നത്.

രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് യുവതിയെ കഞ്ചാവുമായി പിടികൂടിയത്.

വെട്ടുകാട് ബാലനഗറില്‍ നിന്നും വലിയ വേളിയിലേക്ക് പോകാനാണ് ഇവര്‍ ഓട്ടോയില്‍ കയറിയത് എന്ന് ഓട്ടോ ഡ്രൈവര്‍ പറഞ്ഞു.

ബിന്ദുവിന്റെ ഭര്‍ത്താവ് കാര്‍ലോസ് നേരത്തെ കഞ്ചാവ് കേസുകളില്‍ പ്രതിയാണ്. സിറ്റി ഡാന്‍സാഫ് സംഘമാണ് പ്രതിയെ അറസ്റ്റ് ചെയ്തത്.