കുട്ടിക്കാനം പുല്ലുപാറയ്ക്ക് സമീപം ബസ്സും ബൈക്കും കൂട്ടിയിടിച്ചുണ്ടായ അപകടത്തിൽ യുവാവിന് ദാരുണാന്ത്യം; മരിച്ചത് കറുകച്ചാൽ സ്വദേശി

കോട്ടയം: കൊട്ടാരക്കര- ഡിണ്ടിക്കൽ ദേശീയ പാതയിൽ പുല്ലുപാറയ്ക്ക് സമീപം ബസ്സും ബൈക്കും കൂട്ടിയിടിച്ചുണ്ടായ അപകടത്തിൽ യുവാവ് മരിച്ചു.

കറുകച്ചാൽ സ്വദേശി മുട്ടാട്ട് സനുഷ് എം. എസ് (19) ആണ് മരിച്ചത്.

ഇന്ന് വൈകിട്ട് ആറരയോട് കൂടിയായിരുന്നു അപകടം. ആറ് സുഹൃത്തുക്കളോടൊപ്പം മൂന്ന് ബൈക്കുകളിലായി കുട്ടിക്കാനം ഭാഗത്തേക്ക് പോകും വഴിയാണ് ഇവർ അപകടത്തിൽ പെട്ടത്.

അപകടത്തിൽ പെട്ട സനൂഷിനെ ഉടൻതന്നെ മുണ്ടക്കയം മെഡിക്കൽ ട്രസ്റ്റ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.