കുരുത്തിയിൽ മീനിന് പകരം കുടുങ്ങിയത് അണലികളും മൂർഖനും ; മീൻ പിടിക്കാൻ എത്തിയ ആൾ രക്ഷപ്പെട്ടത് തലനാരിഴയ്ക്ക്

സ്വന്തം ലേഖകൻ

പുന്നയൂർക്കുളം: പാടത്ത് മീൻപിടിക്കുന്നതിനായി വച്ച കുരുത്തിയിൽ മീനിന് പകരം കുടുങ്ങിയത് അണലികളും മൂർഖനും കുടുങ്ങി. കുരുത്തിയിൽ പാമ്പിന് മീൻപീടിക്കാൻപോയ ആൾ ഓടി രക്ഷപെടുകയായിരുന്നു.

മീൻ പിടിക്കുന്നതിനായി വെള്ളിയാഴ്ച രാത്രി പാടത്ത് കുരുത്തിവച്ച പെരുമ്പടപ്പ് സ്വദേശി പെരിഞ്ചേരിയിൽ വീട്ടിൽ അഷറഫിനാണ് ഈ ദുരനുഭവമുണ്ടായത്.

കഴിഞ്ഞ ദിവസം രാവിലെ കുരുത്തിയെടുക്കാനെത്തിയപ്പോൾ പാമ്പ് പത്തിവിടർത്തി ചീറ്റുകയായിരുന്നു. ഇതോടെ കുരുത്തി പാടത്തേക്ക് വലിച്ചെറിഞ്ഞ് ഓടി രക്ഷപ്പെടുകയായിരുന്നു.

രണ്ട് അണലിയും ഒരു മൂർഖനും കുരുത്തിയിൽ ഉണ്ടായിരുന്നു. പിന്നീട് അബ്ബാസ് എന്നയാളെത്തി പാമ്പുകളെ കുരുത്തിയിൽ നിന്നും പിടികൂടുകയായിരുന്നു.