പൊൻകുന്നം റോഡിൽ കുമ്പാനിയിൽ ബൈക്ക് പിക്കപ്പ് വാനിലിടിച്ച് യുവാവിന് ദാരുണാന്ത്യം

പാലാ : പൊൻകുന്നം റോഡിൽ കുമ്പാനിയിൽ ബൈക്ക് പിക്കപ് വാനിലിടിച്ച് യുവാവ് മരിച്ചു. വെള്ളിയേപ്പള്ളി കുന്നത്തുപറമ്പിൽ ആർ അഭിലാഷാണ് (18) മരിച്ചത്.

വെള്ളിയാഴ്ച രാത്രി 11 മണിയോടെയായിരുന്നു അപകടം. അഭിലാഷിനൊപ്പമുണ്ടായിരുന്ന സുഹൃത്ത് എബിനെ പരിക്കുകളോടെ ആശുപത്രിയിൽ പ്രവേശിപ്പിച്ചു.

അപകടത്തിൽ ബൈക്ക് പൂർണമായും തകർന്നു. ബൈക്കിന്റെ മുൻചക്രത്തിൻ്റെ റിം പൊട്ടിത്തകർന്നു. എൻജിൻ ഭാഗങ്ങളടക്കം അപകടത്തിൽ തകർന്നിട്ടുണ്ട്.

പരേതനായ രാജേഷിന്റെയും ധന്യയുടെയും ഏക മകനാണ് അഭിലാഷ്.