കുമാരനല്ലൂർ ദേവീക്ഷേത്ര ഉത്സവം കൊടിയേറ്റ് ഇന്ന്

ഏറ്റുമാനൂർ: കുമാരനല്ലൂർ ദേവീക്ഷേത്ര ഉത്സവത്തിന് ഇന്ന് കൊടിയേറും.

വൈകിട്ട് 4 ന് കടിയക്കോൽ ഇല്ലത്ത് ബ്രഹ്മശ്രീ കെ എൻ കൃഷ്ണൻ നമ്പൂതിരിയുടെ മുഖ്യകാർമ്മികത്വത്തിൽ കൊടിയേറ്റും.

പ്രസിദ്ധമായ തൃക്കാർത്തിക 19 ന് നടക്കും.

ക്ഷേത്ര ചടങ്ങുകൾക്ക് പുറമേ തിരുവുത്സവ നാളുകളിൽ ക്ഷേത്ര കലകൾക്ക് പ്രാമുഖ്യം നൽകിക്കൊണ്ട് കലാപരിപാടികൾ ക്ഷേത്രത്തിനകത്തെ ഊട്ടുപുരയിൽ നടത്തുവാൻ ക്രമീകരണങ്ങൾ ഏർപ്പെടുത്തിയിട്ടുണ്ട്.

2 -ാം ഉത്സവം മുതൽ തൃക്കാർത്തിക വരെ ആറാട്ടുചടങ്ങുകൾ ക്ഷേത്രത്തിനു മുൻവശത്തെ പുത്തൻ കടവിലും , രോഹിണി ആറാട്ട് ഇടത്തിൽ മണപ്പുറത്തും അധികാരികളുടെ നിർദ്ദേശപ്രകാരം നടക്കുന്നതാണ്.

കോവിഡിൻ്റെ പ്രത്യേക സാഹചര്യത്തിൽ ആറാട്ട് വരുന്ന വഴിയോരങ്ങളിൽനിന്നും പറയെടുക്കുന്നതല്ല.20 ന് തിരുആറാട്ടോടെ ഉത്സവം സമാപിക്കും.