കുമരകം ശ്രീകുമാരമംഗലം വൊക്കേഷണൽ ഹയർ സെക്കൻഡറി സ്കൂൾ രജതജൂബിലി ആഘോഷങ്ങൾക്ക് സമാപനം

കുമരകം : ശ്രീകുമാരമംഗലം വൊക്കേഷണൽ ഹയർസെക്കൻഡറി സ്കൂളിൻ്റെ ഹയർ സെക്കണ്ടറി വിഭാഗം പ്രവർത്തനത്തിൻ്റെ രജതജൂബിലി ആഘോഷങ്ങൾക്ക് സമാപനമായി.

സ്കൂൾ ഓഡിറ്റോറിയത്തിൽ വച്ച് ശ്രീകുമാരമംഗലം ദേവസ്വം പ്രസിഡൻ്റും സ്കൂൾ മാനേജരുമായ എ.കെ ജയപ്രകാശിൻ്റെ അദ്ധ്യക്ഷതയിൽ നടന്ന സമാപന സമ്മേളനത്തിൻ്റെ ഉദ്ഘാടന കർമ്മം മഹാത്മാഗാന്ധി യൂണിവേഴ്സിറ്റി വൈസ് ചാൻസലർ സി.റ്റി അരവിന്ദകുമാർ നിർവഹിച്ചു.

ചടങ്ങിൽ ദേവസ്വം സെക്രട്ടറി കെ.പി ആനന്ദക്കുട്ടൻ ചാർസലർക്ക് ഉപഹാരസമർപ്പണം നടത്തി. ഗ്രാമപഞ്ചായത്ത് പ്രസിഡൻ്റ് ധന്യാ സാബു ഉന്നതവിജയം നേടിയ വിദ്യാർത്ഥികളെ ആദരിച്ചു. പ്രിൻസിപ്പാൾ സുനിമോൾ എസ് രജതജൂബിലി സന്ദേശം നൽകി.

എരമല്ലൂർ ഉഷേന്ദ്രൻ തന്ത്രികൾ അനുഗ്രഹ പ്രഭാഷണം നടത്തി. ഗ്രാമ പഞ്ചായത്ത് അംഗവും പി.റ്റി.എ പ്രസിഡൻ്റുമായ വി.സി അഭിലാഷ് വിജയികൾക്ക് പുരസ്കാരങ്ങൾ വിതരണം ചെയ്തു.

ഹൈസ്കൂൾ ഹെഡ്മിസ്ട്രസ് ഇന്ദു കെ.എം
ആശംസ പ്രസംഗം നടത്തി. പ്രോഗ്രാം കൺവീനർ ബാബു എം.റ്റി സ്വാഗതവും, സീനിയർ അസിസ്റ്റൻ്റ് മഞ്ജുഷ മർക്കോസ് കൃതജ്ഞ്തയും പറഞ്ഞു.

നവാഗതർക്കുള്ള സ്വാതവും ആഘോഷ പരിപാടികളുടെ ഭാഗമായി ഉന്നത വിജയികൾക്കുള്ള അനുമോദന ചടങ്ങും നടന്നു. കലോത്സവ ജേതാവ് എം ദേവദത്തൻ ഗാനാലാപനം നടത്തി. കലാഭവൻ ചാക്കോച്ചൻ സാക്സോ ഫോൺ സംഗീത പരിപാടി അവതരിപ്പിച്ചു.