കുമരകത്ത് മത്സ്യ തൊഴിലാളികളുടെ വള്ളങ്ങൾ കൂട്ടിയിടിച്ച് ഒരാൾക്ക് പരുക്ക്: കരീത്ര സോണിക്കാണ് പരിക്കേറ്റത്

കുമരകം : ജെട്ടി തോട്ടിൽ വെച്ച് മത്സ്യ തൊഴിലാളികളുടെ വള്ളങ്ങൾ തമ്മിൽ കൂട്ടിയിടിച്ച് ഒരാൾക്ക് പരിക്കേറ്റു. കുമരകം മൂന്നാം വാർഡിൽ കരീത്രച്ചിറയിൽ കുഞ്ഞച്ചൻ്റെ മകൻ സോണിക്കാണ് പരിക്ക്.

കഴുക്കോൽ സോണിയുടെ കാലിൻ്റെ തുടയിൽ കൊണ്ട് കയറി നല്ല മുറിവേറ്റിട്ടുണ്ട്.ഇന്നലെ വൈകുന്നേരമാണ് സംഭവം.

കായലിലേക്ക് പോയ സോണിയുടെ വള്ളവുമായി എതിർ ദിശയിൽ വന്ന വള്ളം കുട്ടിയിടിക്കുകയായിരുന്നു. രണ്ട് വള്ളങ്ങളും യമഹാ എൻജിൻ ഉപയോഗിച്ചാണ് ഓടിച്ചിരുന്നത്

. അമരത്തിരുന്ന സോണിയുടെ തുടയിലേക്ക് കഴുക്കോൽ കുത്തികയറുകയായിരുന്നു എന്നാണ് വിവരം.

ഉടൻ തന്നെ കുമരകം എസ്.എച്ച്. മെഡിക്കൽ സെൻ്ററിൽ സോണിയെ എത്തിച്ചു. അവിടുത്തെ ആംബുലൻസിൽ കോട്ടയം മെഡിക്കൽ കോളേജിലേക്ക് മാറ്റി.