മൂന്ന് ബൈക്കുകൾ തകർത്ത് പെട്രോൾ മോഷ്ടിച്ചു: സംഭവം ഇന്നലെ രാത്രി കുമരകത്ത്:

സ്വന്തം ലേഖകൻ

കുമരകം : കണ്ണാടിച്ചാൽ നാരകത്ര റോഡരികിൽ 90-ൽ നടപ്പാലത്തിനു സമീപം പാർക്ക് ചെയ്തിരുന്ന മൂന്ന് ബൈക്കുകൾ ഭാഗീകമായി നശിപ്പിച്ച് പെട്രോൾ കവർന്നു. . 5-ാം വാർഡിൽ കൊല്ലകരി പാടത്തിൻ്റെ പടിഞ്ഞാറേ പുറം ബണ്ടിലൂടെയുള്ള റോഡരികിലാണ് സാധരണ ഈ ഇരുചക്ര വാഹനങ്ങൾ രാത്രികാലങ്ങളിൽ പാർക്ക് ചെയ്യാറുള്ളത്.

6ാം വാർഡിലുള്ള ഇടവട്ടത്ത് താമസിക്കുന്ന സിൽ ജോൺസൺ തുണ്ടിപ്പറമ്പ്, സനീഷ് നടുവത്ര, സുമേഷ് കുളങ്ങരത്ര എന്നിവരുടെ ബൈക്കുകളാണ് തകർത്തത്. ഇതിന് മുമ്പും പല തവണ പെട്രോൾ ഊറ്റിക്കൊണ്ടുപോയതായി സമീപവാസികൾ പറഞ്ഞു.

ഇന്നു രാവിലെ ജോലിക്ക് പോകാൻ എത്തിയപ്പോഴാണ് തങ്ങളുടെ വാഹനങ്ങൾ സഞ്ചാരയോഗ്യമല്ലാത്ത നിലയിൽ കണ്ടെത്തിയത്. കുമരകം പോലീസിൽ പരാതി നൽകി.
പെട്രോൾ ഊറ്റ് സംഘമാണ് ബൈക്ക് തകർക്കലിന് പിന്നിലെന്ന് കരുതുന്നതായി നാട്ടുകാർ പറഞ്ഞു.