കുമരകം: ടച്ചിംഗ് വെട്ട് എന്നാൽ വഴിയരികിൽ നിൽക്കുന്ന വാഴയും മാവുമൊക്കെ വെട്ടിക്കളയുന്നതല്ല. വൈദ്യുതി ലൈനിൽ സ്പർശിച്ചു നിൽക്കുന്ന മരക്കൊമ്പും
ഇലയും മുറിച്ചു നീക്കുക എന്നതാണ്.
ഇവിടെയിതാ ഒരു ട്രാൻസ്ഫോർമറിൽ വള്ളിപ്പാർപ്പു കയറി കിടക്കുന്നു.
വൈദ്യുതി വകുപ്പിന്റെ ട്രാൻസ്ഫോർമറിന് വെയിലേല്ക്കാതെയും മഴനനയാതെയും സംരക്ഷണമാെരുക്കുകയാണ് വള്ളിപ്പടർപ്പുകൾ.
കുമരകം പഞ്ചായത്തിലെ 11-ാം വാർഡിലെ കിഴക്കത്തറ അംഗൻവാടിയുടെ സമീപത്തെ വൈദ്യുതി വകുപ്പിന്റെ ട്രാൻസ്‌ഫോർമറിനാണ് പ്രകൃതിയുടെ സംരക്ഷണ കവചം.
ഇവിടെ എത്രതവണ ടച്ചിംഗ് വെട്ട് നടന്നിട്ടുണ്ട്. അന്നൊന്നും ട്രാൻസ്ഫോർമർ ശ്രദ്ധിച്ചില്ല. മാസങ്ങളായി ഇവിടെ വമ്പിപ്പാർപ്പു കയറിയിട്ട്.
Whatsapp Group 1 | Whatsapp Group 2 |Telegram Group
ട്രാൻസ്ഫോർമർ സ്ഥാപിച്ചിരിക്കുന്ന പോസ്റ്റുകളിലുടെയും സ്റ്റേ കമ്പിയിലൂടെയുമെല്ലാം വളർന്നാണ് വള്ളിച്ചെടികൾ ട്രാൻസ്ഫോർമറിൽ ചുറ്റി വളഞ്ഞു വളർന്നു കൊണ്ടിരിക്കുന്നത്.
ഏറ്റവും അപകടകരമായ സ്ഥിതിയാണിവിടെ.
സമീപത്തെ അംഗനവാടിയിലെ കുട്ടികളെ ട്രാൻസ്ഫോർമറിന്റെ സമീപത്തേക്ക് വിടാതെ രക്ഷകർത്താക്കളും അധ്യാപകരും ശ്രദ്ധി ക്കേണ്ടതാണ്.
