കുമരകം ഗവണ്മെന്റ് ആശുപത്രിയിലെ ലാബിന്റെ പ്രവർത്തനം രാവിലെ 7 മുതൽ ആരംഭിക്കണമെന്ന് എച്ച്എംസി അംഗങ്ങൾ ആവശ്യപ്പെട്ടു: 24 മണിക്കൂർ ഡോക്ടറുടെ സേവനം ലഭ്യമാക്കുക തുടങ്ങി അടിസ്ഥാന സൗകര്യങ്ങൾ വർധിപ്പിക്കണമെന്ന് എച്ച്എംസി അംഗങ്ങൾ ആവശ്യപ്പെട്ടു

കോട്ടയം: കുമരകം ഗവണ്മെന്റ് ആശുപത്രിയിലെ അടിസ്ഥാന സൗകര്യങ്ങൾ വർധിപ്പിക്കണമെന്ന് എച്ച്എംസി അംഗങ്ങൾ ആവശ്യപ്പെട്ടു. ഇന്നലെ ബ്ലോക്ക് പഞ്ചായത്ത്‌ വൈസ് പ്രസിഡന്റ് കെ.എം.ബിനുവിന്റെ അധ്യക്ഷതയിൽ ചേർന്ന വികസന സമിതി

യോഗത്തിലാണ് ആവശ്യം ഉയർന്നത്. ലാബിന്റെ പ്രവർത്തനം രാവിലെ 7 മുതൽ ആരംഭിക്കുക. എലിപ്പനി, തൈറോയിഡ് ടെസ്റ്റുകൾ ആശുപത്രി ലാബിൽ ചെയ്യുക. ഫാർമസിയിൽ ഒരാളെ കൂടി

നിയമിച്ചു ജീവിത ശൈലി രോഗങ്ങളുടെ മരുന്നുകൾ വിതരണം ചെയ്യുന്നതിന് കൂടുതൽ സമയം ഉറപ്പാക്കുക. 24 മണിക്കൂർ ഡോക്ടറെ നിയമിക്കാനുള്ള നടപടിക്രമങ്ങൾ ഉടൻ പൂർത്തീകരിക്കുക

തുടങ്ങിയ കാര്യങ്ങളാണ് വികസന സമിതി യോഗത്തിൽ ആവശ്യമായി ഉയർന്നത്. എച്ച്എംസി അംഗങ്ങളായ ടോണി കുമരകം, കെ.ആർ.ഷിബു, വി.ജി.അജയൻ, പുഷ്കരൻ കുന്നത്തുച്ചിറ, ദിവ്യ

ദാമോദരൻ, രഘുനാഥ് അകവൂർ എന്നിവരാണ് വികസന സമിതി യോഗത്തിൽ ആവശ്യങ്ങൾ ഉന്നയിച്ചത്.