കുമ്മനത്ത് അരലക്ഷം രൂപക്ക് 2 മാസം പ്രായമുള്ള ആൺ കുഞ്ഞിനെ വിൽക്കാൻ ശ്രമം; പിതാവും കുഞ്ഞിനെ വാങ്ങാനെത്തിയവരടക്കം 3 പേർ കുമരകം പോലീസിന്റെ പിടിയിലായി

കോട്ടയം:കുമ്മനത്ത് രണ്ട് മാസം പ്രായമായ ആൺ കുഞ്ഞിനെ വിൽക്കാൻ ശ്രമിച്ച അച്ഛൻ പിടിയിൽ. ഇടനിലക്കാരനെയും വാങ്ങാനെത്തിയ ആളെയും പൊലീസ് പിടികൂടി.

പിതാവും അതിഥി തൊഴിലാളിയുമായ ആസ്സാം സ്വദേശി കുദ്ദൂസ് അലി, ( 25) കുഞ്ഞിനെ 50000/- രൂപക്ക് വാങ്ങാൻ ശ്രമിച്ച അതിഥി തൊഴിലാളികളും ഉത്തർപ്രദേശ് സ്വദേശികളുമായ മോഹ്ദ് ദാനിഷ് ഖാൻ, (32), അർമാൻ, (31), എന്നിവരാണ് കുമരകം പോലീസിന്റെ പിടിയിലായത്.

കുമരകം എസ് എച്ച്.ഓ ഷിജി.കെ യുടെ നേതൃത്വത്തിൽ എസ്.ഐ ബസന്ത് ഒ.ആർ, എ.എസ്.ഐ മാരായ റോയി , ബൈജു, ജോസ്,എസ്.സി.പി.ഓ സജയകുമാർ സി.പി.ഓ മാരായ സുമോദ്, ജിജോഷ്, അനീഷ്എ.എസ് എന്നിവർ ചേർന്ന് പ്രതികളെ കുമരകം, ഇല്ലിക്കൽ ഭാഗങ്ങളിൽ നിന്നും അറസ്റ്റ് ചെയ്തത്‌.