കുമരകം ചീപ്പുങ്കൽ കരീമഠം ഭാഗത്ത് അമിതവേഗത്തിൽ എത്തിയ യാത്ര ബോട്ട് വള്ളത്തിൽ ഇടിച്ചു ; വെള്ളത്തിൽ വീണ് ഏഴാം ക്ലാസ് വിദ്യാർത്ഥിനിയെ കാണാതായി ; തിരച്ചിൽ തുടരുന്നു

സ്വന്തം ലേഖകൻ 

കുമരകം : അമിതവേഗത്തിൽ എത്തിയ യാത്ര ബോട്ട് വള്ളത്തിൽ ഇടിച്ചു. വെള്ളത്തിൽ വീണ് ഏഴാം ക്ലാസ് വിദ്യാർത്ഥിനിയെ കാണാതായി. ചീപ്പുങ്കൽ കരീമഠം ഭാഗത്ത് വച്ച് രാവിലെ 8 30 ആയിരുന്നു സംഭവം.

വെച്ചൂർ സെൻറ് മൈക്കിൾസ് സ്കൂളിലെ ഏഴാം ക്ലാസ് വിദ്യാർത്ഥിയായ അനശ്വര വല്യച്ചൻ ഒപ്പം സ്കൂളിലേക്ക് പോകാനായി വള്ളത്തിൽ വരുന്നതിനിടയിൽ ജലഗതാഗതകുപ്പിന്റെ യാത്രാബോട്ട് വള്ളത്തിൽ ഇടിക്കുകയായിരുന്നു.

വെള്ളത്തിൽ വീണ കുട്ടിക്കായി നാട്ടുകാർ തിരച്ചിൽ നടത്തിവരികയാണ്. ജലഗതാഗത വകുപ്പിൻറെ യാത്ര അമിതവേഗതയാണെന്ന് നേരത്തെയും പരാതികൾ ഉയർന്നിരുന്നു.